Элмира Баситханова форум доирасида Жомбой туманидаги “Гулнора агро ери“ фермер хўжалиги ишчи ходимлари билан учрашди. Бу ерда 20 нафарга яқин хотин-қизлар меҳнат қилади.

- Шу фермер хўжалигида олти йилдан бери ишлаймиз, дала ишларини қиламиз, пилла оламиз, - дейди Каттақишлоқ маҳалласида яшовчи Мирзаева Сурайё. - Ҳар ойда олти юз минг сўмдан зиёд маош оламиз. Ғалладан бўшаган ердан ярим гектарига мош, ловия, картошка экканмиз. Пахта чопганимизга сомон, пилла вақти ун, ёғ берилди. Рўзғоримиз шу ерни орқасидан, шукур.

Бош вазир ўринбосари фермер хўжалигида меҳнат қилаётган хотин-қизларга совға-саломлар улашди. 

Шундан сўнг, Э.Боситханова далада меҳнат қилаётган аёлларни озроқ вақтларини олишга рухсат сўраб, уларни дала шийпонига таклиф қилди. Суҳбат давомида оддий аёлларнинг машаққатли меҳнати, аёл курсидами, даладами, қайда бўлмасин оиласининг маънавий посбони бўлиши лозимлиги, меҳнатга муносиб ҳақ тўланса, фермерлар томонидан меҳнат шароитлари яратиб берилса аёллар ҳаётдан кўнгли тўлиб яшаши мумкинлиги борасида фикр алмашилди.

ЎзА