Стратегия действий по пяти приоритетным направлениям развития Республики Узбекистан в 2017-2021 годы
Бош прокурор ўринбосари Э.Юлдашев Пайариқ туманида сайёр қабул ўтказди

Аҳоли билан бевосита ва очиқ мулоқотни таъминлаш, мавжуд муаммоларни аниқлаш ҳамда уларни жойида бартараф этиш юзасидан тезкор чоралар кўриш мақсадида Ўзбекистон Республикаси Бош прокурори ўринбосари Э.Юлдашев жорий йилнинг 25 июнь куни Самарқанд вилояти Пайариқ туманида сайёр қабул ўтказди.

Қабулда 150 нафар фуқаролар билан суҳбат ўтказилиб, улардан 114 та мурожаатлар қабул қилинди. Келиб тушган мурожаатларнинг 29 таси жойида ҳал этилди.

Хусусан, 16 нафар фуқаролар ишга жойлаштирилди, 1 нафар фуқарога ногиронлик аравачаси, 2 нафарига эшитиш мосламаси, 5 нафарига қўлтиқ таёқ, 1 нафарига фуқаролик паспорти олиб берилиши, 2 нафарига  даволаниш учун санаторияга йўлланма бериш масаласи ҳал қилиниб, 2 нафарига ҳуқуқий маслаҳат берилди ҳамда 1 миллион 550 минг сўм пуллар ундирилиши таъминланди.

Қолган 85 та мурожаатлар алоҳида назоратга олинди.

Қабул қилинган мурожаатларнинг 5 таси суд қарорлари бўйича (фуқаролик – 1, маъмурий – 4),  7 таси суриштирув ва тергов масалалари юзасидан, 87 та ижтимоий-иқтисодий, суд қарорлари ва бошқа органлари қарорлари ижроси бўйича 4 та, 3 таси вояга етмаганлар ва 7 таси қишлоқ хўжалиги масалалари бўйича келиб тушди.

26.06.2019

полезные ресурсы