Жиззах вилояти судлари томонидан Жиззах шаҳар ҳудудида истиқомат қилувчи фуқаролар учун сайёр қабул ўтказилди. Унда жами 21 нафар фуқаронинг мурожаати тингланди. Мурожаатлардан 12 тасига ҳуқуқий тушунтириш берилиб, 9 та мурожаат ижобий ҳал этилди.

Шунингдек, Жиноят ишлари бўйича Жиззах шаҳар суди ҳамда Фуқаролик ишлари бўйича Жиззах туманлараро суди томонидан сайёр суд мажлиси ҳам ўтказилди. Жазо муддатини ўтаётган 7 нафар маҳкум инсонпарварлик тамойиллари асосида жазони ўташдан муддатидан аввал шартли равишда озод этилди. 

20 нафар фуқаронинг маъмурий ҳуқуқбузарлик тўғрисидаги иши бўйича чиқарилган қарор устидан берган шикояти, 7 та вояга етмаган болалар таъминоти учун алимент ундириш ҳақидаги ҳамда 10 та суд буйруғини бекор қилиш тўғрисидаги ариза кўриб чиқилиб, уларнинг барчаси қаноатлантирилди.