Jizzax viloyati sudlari tomonidan Jizzax shahar hududida istiqomat qiluvchi fuqarolar uchun sayyor qabul o‘tkazildi. Unda jami 21 nafar fuqaroning murojaati tinglandi. Murojaatlardan 12 tasiga huquqiy tushuntirish berilib, 9 ta murojaat ijobiy hal etildi.

Shuningdek, Jinoyat ishlari bo‘yicha Jizzax shahar sudi hamda Fuqarolik ishlari bo‘yicha Jizzax tumanlararo sudi tomonidan sayyor sud majlisi ham o‘tkazildi. Jazo muddatini o‘tayotgan 7 nafar mahkum insonparvarlik tamoyillari asosida jazoni o‘tashdan muddatidan avval shartli ravishda ozod etildi. 

20 nafar fuqaroning ma’muriy huquqbuzarlik to‘g‘risidagi ishi bo‘yicha chiqarilgan qaror ustidan bergan shikoyati, 7 ta voyaga yetmagan bolalar ta’minoti uchun aliment undirish haqidagi hamda 10 ta sud buyrug‘ini bekor qilish to‘g‘risidagi ariza ko‘rib chiqilib, ularning barchasi qanoatlantirildi.