Ўзбекистон Республикаси Халқ таълими вазири Бахтиёр Саидов Чиноз туманидаги “Эшонобод” маҳалласида сайёр қабул ўтказиб, фуқароларнинг мурожаатларини тинглади.

Қабулга келган аҳоли таълимга оид муаммо ва таклифларини билдирди.

Хусусан, Чиноздаги 9-умумтаълим мактабини капитал таъмирлаш 2023 йилги Инвестиция дастурига киритиладиган бўлди. Шу каби фуқароларнинг мурожаатлари асосида бошқа жойлардаги 44-, 41-, 34-, 37-, 40-, 29-, 30- умумтаълим мактабларига ҳам келгуси йилларда спорт заллари қуриш маҳаллий ҳокимликлар билан бирга ҳал этиладиган бўлди.

Жорий йилда мактабларда шароитларни яхшилаш учун қарийб 800 та мактабда қурилиш-таъмирлаш ишлари амалга ошириляпти. “Ташаббусли бюджет” лойиҳаси асосида мактабларнинг моддий-техник базаси яхшиланмоқда. Бу борадаги ишлар келгусида ҳам давом эттирилади. Қабулда йўлланган 8 та масала жойига чиқиб ўрганилганидан сўнг, аниқ ечими таклиф этилади.