O‘zbekiston Respublikasi Xalq ta’limi vaziri Baxtiyor Saidov Chinoz tumanidagi “Eshonobod” mahallasida sayyor qabul o‘tkazib, fuqarolarning murojaatlarini tingladi.

Qabulga kelgan aholi ta’limga oid muammo va takliflarini bildirdi.

Xususan, Chinozdagi 9-umumta’lim maktabini kapital ta’mirlash 2023 yilgi Investitsiya dasturiga kiritiladigan bo‘ldi. Shu kabi fuqarolarning murojaatlari asosida boshqa joylardagi 44-, 41-, 34-, 37-, 40-, 29-, 30- umumta’lim maktablariga ham kelgusi yillarda sport zallari qurish mahalliy hokimliklar bilan birga hal etiladigan bo‘ldi.

Joriy yilda maktablarda sharoitlarni yaxshilash uchun qariyb 800 ta maktabda qurilish-ta’mirlash ishlari amalga oshirilyapti. “Tashabbusli byudjet” loyihasi asosida maktablarning moddiy-texnik bazasi yaxshilanmoqda. Bu boradagi ishlar kelgusida ham davom ettiriladi. Qabulda yo‘llangan 8 ta masala joyiga chiqib o‘rganilganidan so‘ng, aniq yechimi taklif etiladi.