Namangan viloyat hokimi vazifasini bajaruvchi Shavkat Abdurazoqov haftaning har chorshanba kuni tadbirkorlar bilan uchrashib, ularning murojaatlarini tinglamoqda. Yangi, istiqbolli loyihalar bilan tanishmoqda.

Bugun bo‘lib o‘tgan avbatdagi “Hokim va tadbirkorlar” uchrashuvi avvalida oldingi muloqotlarda belgilangan vazifalar ijrosi atroflicha muhokama etildi. Muammoli masalalar yechimi ko‘rib chiqildi.  

Hokimlik axborot xizmatiga ko‘ra, hozirga qadar viloyat rahbarining kichik biznes vakillari bilan o‘tkazgan muloqotlari mobaynida jami 117 murojaat kelib tushgan. 

Jumladan, 61 murojaat ijobiy hal etilishiga erishildi. Ayni paytda ishbilarmonlar tomonidan ko‘tarilgan 56 masala yuzasidan o‘rganishlar olib borilmoqda.

Navbatdagi uchrashuvda 30 nafardan ziyod ishbilarmon biznes loyihalari, faoliyatida uchrayotgan muammo va to‘siqlar bo‘yicha hokimga murojaat bilan chiqdi.

Bundan  tashqari imtiyozli bank krediti, yer ajratish va kommunal xizmatlar ta’minoti bilan bog‘liq masalalar ham tinglandi. Shavkat Abdurazzoqov har bir murojaat doimiy nazoratda ekani, ijrosini ta’minlash muhimligini ta’kidladi.