Koronavirus pandemiyasi tufayli xalqimiz sinovli kunlarni boshdan o‘tkazmoqda

Bu borada yurtimizda aholi salomatligini muhofaza qilish va ularga zarur sharoitlar yaratish,  kam ta’minlangan,  nogironligi bor fuqarolar hamda boquvchisini yo‘qotgan oilalar holidan xabar olish kabi ezgu ishlar ko‘lami yanada kengaymoqda. 

Ana shunday ezgu ishlardan yana biri Milliy gvardiyaning Jizzax viloyati bo‘yicha boshqarmasi hamda Yoshlar ittifoqi Jizzax shahar kengashi bilan hamkorlikda uyushtirildi. “Pokiza insonlar nomidan“,  deb nomlangan xayriya tadbirida kam ta’minlangan va nogironligi bor fuqarolarning holidan xabar olindi.  Ularga oziq-ovqat mahsulotlari,  tibbiy niqob va qo‘lqoplar, farzandlari uchun esa badiiy kitoblar tuhfa etildi. Shu bilan birga xonadonlari dezinfektsiya qilinib, shaxsiy gigiyena qoidalari va sog‘lom turmush tarzi tamoyillariga doim amal qilish kerakligi xususida tushuntirish ishlari olib borildi.