2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Suv ta’minoti yaxshilanadi

Nurobod tumanidagi Navro‘z, Ulus va Halqobod qishloqlarida “Obod qishloq” dasturi asosida 3 ta suv inshooti foydalanishga topshirildi

“Obod markaz”, “Obod mahalla”, “Obod qishloq” dasturlari doirasida joylarda olib borilayotgan bunyodkorlik, obodonlashtirish ishlari mamlakatimiz aholisining turmush sharoitini yaxshilash, hududlar infratuzilmasini tubdan o‘zgartirishga xizmat qilmoqda.

 

Qishloqlar aholisini yillar davomida qiynab kelayotgan ta’mirtalab ichki yo‘llar, toza ichimlik suvi, elektr energiyasi va boshqa qator ijtimoiy muammolar xuddi shu dasturlar sabab o‘z yechimini topmoqda.

 

photo5440547765651352170.jpg

 

O‘zbekiston Respublikasi Prezidentining 2019 yil 20 fevraldagi “Obod qishloq” dasturini 2019 yilda amalga oshirish bo‘yicha qo‘shimcha chora-tadbirlar to‘g‘risida”gi qaroriga asosan Nurobod tumanidagi Navro‘z, Ulus va Halqobod qishloqlarida keng ko‘lamli bunyodkorlik va obodonlashtirish ishlari olib borilmoqda.

 

Tumanning ushbu qishloqlari keng dala va qirliklardan iborat bo‘lib, hududda toza ichimlik suvi masalasi aholini qiynab kelayotgan muammolardan biri edi. “Obod qishloq” dasturi doirasida amalga oshirilgan ishlar natijasida mazkur qishloqlar aholisini toza ichimlik suvi bilan ta’minlash maqsadida 3 ta suv inshooti foydalanishga topshirildi. Ulardan ikkitasi yangi qurilgan, bittasi esa rekonstruksiyadan chiqarilgan. Ushbu suv inshootlarini qurish va rekonstruksiya qilish uchun 1 million 934,9 ming so‘m mablag‘ sarflandi. Natijada hududdagi 10 ming nafardan ortiq aholi markazlashgan ichimlik suvidan foydalanish imkoniga ega bo‘ldi.

 

05.09.2019

Foydali resurslar