Abdumardon aka Yangiyev uzoq yillardan buyon Buxoro viloyatining Jondor tumanidagi Xumin qishlog‘ida yashab keladi. U o‘zi yashab turgan hovlisida qurilishlar qildi. Biroq turmush tashvishlari bilan ovora bo‘lib, uyining kadastr hujjatlarini rasmiylashtirishga imkoni bo‘lmadi.
Yanayam aniqrog‘i, bu ishga ancha-muncha vaqt ketib qoladi deb, astoydil kirishmadi ham. Idorama-idora yurishga hafsala qilmadi. Biroq Davlat xizmatlari markazi orqali turar joy maydonining chegara masalalariga aniqlik kiritib berishni so‘rab kadastr idoralariga qilgan murojaatidan so‘ng hammasi o‘zi o‘ylaganchalik vaqt olmasligini tushunib yetdi.
–Bir necha kun avval o‘zim yashab turgan xonadonning kadastr hujjatlarini qayta rasmiylashtirish maqsadida murojaat qildim, –deydi Abdumardon Yangiyev. –Bugun esa kadastr xodimlari uyimga kelib, o‘lchov ishlarini amalga oshirishdi. Kadastr hujjatlarimni besh kun ichida to‘liq rasmiylashtirib berishini aytishganda, to‘g‘risi, bir lahza ishonmadim. Chunki avvali bunaqa ishlar haftalab, oylab cho‘zilardi.
Mamlakatimizda aholi muammolarini yechish va ularning murojaatlarini o‘z vaqtida hal qilishga qaratilgan manzilli harakatlar natijasida Abdumardon akaga o‘xshagan ko‘plab fuqarolarning kadastrga oid murojaatlari tezda va sifatli hal qilinmoqda.
–Kadastr agentligi hamda Davlat kadastrlari palatasi Buxoro viloyati boshqarmalari tomonidan ham joylarda muntazam ravishda aholi hamda tadbirkorlar uchun sayyor qabullar o‘tkazilib kelinmoqda, –deydi Davlat kadastrlari palatasi Buxoro viloyati boshqarmasi jamoatchilik bilan aloqalar bo‘yicha bosh mutaxassisi Saidbek Shamsiyev. –Bu borada o‘tgan 2023-yilda boshqarma boshliqlari hamda ularning o‘rinbosarlari tomonidan 14 marotaba sayyor qabul o‘tkazilgan bo‘lsa, ularda 200 ga yaqin fuqaroning murojaatlari o‘z yechimini topgan.
Qabullarda fuqarolar tomonidan asosan kadastr hujjatlarini rasmiylashtirish, uy-joyga egalik huquqini tiklash, yer ajratish kabi masalalarda murojaatlar bo‘lgan.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |