Qoraqalpog‘iston Respublikasi Mo‘ynoq tumani markazida Mahalla va nuroniylarni qo‘llab-quvvatlash bo‘limi hamda “Nuroniylar maskani”ning yangi binolari foydalanishga topshirildi.

Shu munosabat bilan tashkil etilgan tadbirda davlatimiz rahbari tashabbusi bilan mamlakatimizda mahallalar faoliyatini takomillashtirish, ularning moddiy-texnik bazasini mustahkamlash, yoshi ulug‘ insonlar, keksa avlod vakillarini qo‘llab-quvvatlashga  qaratilayotgan e’tibor haqida so‘z bordi. Yangi binolar hudud aholisi, shu jumladan nuroniylarning madaniy dam olib, vaqtlarini mazmunli o‘tkazishlariga xizmat qiladi.

Oila, xotin-qizlar va keksa avlod vakillari bilan ishlash tizimini yangi darajaga olib chiqish, mahallabay ishlashga mas’ul bo‘lgan shaxslar faoliyatini samarali tashkil etish va o‘zaro hamkorligini ta’minlashda mazkur maskanlar faoliyati muhim o‘rin tutadi.

Tadbir ishtirokchilari maskanda yaratilgan sharoitlar bilan yaqindan tanishdi.