Andijon viloyati Jalaquduq tumanida “Obod qishloq”, “Obod mahalla” hamda aholini ichimlik suvi bilan ta’minlashga qaratilgan dasturlar doirasida e’tiborga molik ishlar amalga oshirilmoqda.
Jumladan, keyingi ikki yil ichida aholini ichimlik suvi bilan ta’minlash borasidagi ishlar ko‘lami ortdi. bugungi kunga kelib, tumanda ichimlik suvi ta’minoti darajasi 81,9 foizga yetkazildi.
– Ayni kunda hududlarni toza ichimlik suvi bilan ta’minlash maqsadida salkam 30 kilometr masofaga yangi suv quvurlari tortish ishlari olib borilmoqda, – deydi "Andijon suv ta’minoti" mas’uliyati cheklangan jamiyati Jalaquduq tumani bo‘limi rahbari Qahramonjon Turg‘unov. – Qurilish va bunyodkorlik ishlari sohaga ixtisoslashgan 15 ta qurilish tashkiloti tomonidan amalga oshirilmoqda. Ana shu ishlar amalga oshirilishi bilan tumandagi O‘rg‘u, Dexqonobod, Bo‘ston, Uzun ko‘cha, Yangi ko‘rpa, Abdullabiy, Ibrat, Beshtol, Qutlug‘, Boycheki va Guliston kabi mahallalarda ichimlik suvi ta’minoti yaxshilanadi. Shu kunlarda mazkur yo‘nalishdagi ishlar qizg‘in olib borilmoqda.
– Qariyb o‘ttiz yildan buyon mahallamizda ichimlik suvi muammosi yechimini topmay kelayotgan edi, – deydi Y. Oxunboboyev nomli mahalla fuqarolar yig‘inida yashovchi, mehnat faxriysi Abdullajon Abdulxayirov. – Shu paytgancha mahallamizdagi beshta ko‘chadan atigi bittasi ichimlik suvi bilan ta’minlangan bo‘lib, qolgan 4 ta ko‘chada yashovchi aholi suvni ma’lum masofadan tashib ichishlariga to‘g‘ri kelgan. Shukrki, qolgan ko‘chalarga ham ichimlik suvi keltirildi. Hozirda har bir xonadonga suv jo‘mraklari o‘rnatilmoqda. Bundan mahalladoshlarimiz behad xursand bo‘lmoqda.
Ushbu mahallada “Ixtisoslashtirilgan transservis” mas’uliyati cheklangan jamiyati mutaxassislari tomonidan 20 kilometr masofaga suv quvuri tortilmoqda. Bundan tashqari, 2 ta yangi suv qudug‘ini o‘rnatish, 1 ta mavjud quduqni ta’mirlash ishlari davom etayotir.
Mutaxassislarnig ta’kidlashicha, yil oxiriga qadar tumandagi o‘ndan ortiq mahallaga yangi suv tarmog‘i tortiladi, qator suv quduqlari ta’mirlanadi, yangilari o‘rnatiladi.
Tumanda aholini toza ichimlik suvi bilan ta’minlash borasidagi ishlar reja asosida izchil davom ettiriladi.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |