Ёшлар бандлигини таъминлаш, ёш оилаларга ер ажратиш бўйича Наманган вилояти Янгиқўрғон туманида бир қатор ишлар амалга оширилмоқда.

Хусусан, Наманган вилояти ҳокимлиги, Ёшлар иттифоқи вилоят кенгаши, вилоят Фавқулодда вазиятлар бошқармаси, вилоят ўрмон хўжалиги бошқармаси ва Янгиқўрғон туман ҳокимлиги билан ҳамкорликда 80 нафар ёшга 30 сотихдан ер берилди.

Уларга ерга эгалик қилиш бўйича вилоят ҳокимининг сертификатлари ҳам топширилди. Ушбу ерлар ижтимоий ҳимояга муҳтож, ишсиз ёшларга 49 йилга бепул берилади. Ўрмон хўжалиги вилоят бошқармаси томонидан ҳудуд шароитига қараб олхўри кўчатлари экиб берилади.

Шунингдек, 3 нафар ёш қизга 100 килограммдан ҳосил берадиган 25 та ёнғоқ дарахти ажратиб берилди.