Yoshlar bandligini taʼminlash, yosh oilalarga yer ajratish boʻyicha Namangan viloyati Yangiqoʻrgʻon tumanida bir qator ishlar amalga oshirilmoqda.

Xususan, Namangan viloyati hokimligi, Yoshlar ittifoqi viloyat kengashi, viloyat Favqulodda vaziyatlar boshqarmasi, viloyat oʻrmon xoʻjaligi boshqarmasi va Yangiqoʻrgʻon tuman hokimligi bilan hamkorlikda 80 nafar yoshga 30 sotixdan yer berildi.

Ularga yerga egalik qilish boʻyicha viloyat hokimining sertifikatlari ham topshirildi. Ushbu yerlar ijtimoiy himoyaga muhtoj, ishsiz yoshlarga 49 yilga bepul beriladi. Oʻrmon xoʻjaligi viloyat boshqarmasi tomonidan hudud sharoitiga qarab olxoʻri koʻchatlari ekib beriladi.

Shuningdek, 3 nafar yosh qizga 100 kilogrammdan hosil beradigan 25 ta yongʻoq daraxti ajratib berildi.