Вазирлар Маҳкамасининг 2018 йил 12 апрелдаги қарори асосида жорий йил якунига қадар оғир ижтимоий вазиятга тушиб қолган, ногиронлиги бўлган, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашга муҳтож 1 минг 576 хотин-қиз уй билан таъминланади.
Хотин-қизлар қўмитаси матбуот хизмати хабарига кўра, бу уйларнинг бошланғич бадали Хотин-қизларни ва оилани қўллаб-қувватлаш жамоат фонди маблағлари ҳисобидан тўлаб берилади. Ўтган 5 ойда 267 муҳтож хотин-қизга ажратилган уй-жой бошланғич бадали тўлаб берилди.
Шунингдек, Хотин-қизларни ва оилани қўллаб-қувватлаш жамоат фонди маблағлари ҳисобидан Ўзбекистон Хотин-қизлар қўмитаси тавсиясига асосан, 1578 муҳтож хотин-қиз ва оилаларга моддий ёрдам кўрсатилди. Жумладан, уларнинг 652 нафари ногиронлик аравачаси, 289 нафари эшитиш мосламалари, 637 нафари қўлтиқ таёқ, ҳасса каби юришга кўмаклашувчи мосламалар билан таъминланди, 23 нафарига музлаткич, 17 нафарига кир ювиш ва 11 нафарига тикув машинаси каби маиший техникалар, тиббий жиҳозлар беғараз етказиб берилди.
Муҳайё ТОШҚОРАЕВА, ЎзА
Ҳал этилган мурожаатлар
| Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
|---|---|---|---|---|
| Таълим кредити | Ишонч телефони | 8 Май 2024 | 23 Май 2024 | Хоразм вилояти |
| Бузилган уй-жой, олиб қўйилган ер майдони ўрнига ер майдони, уй-жой ва компенсация ажратиш | Президент почтаси | 6 Май 2024 | 18 Сентябрь 2024 | Навоий вилояти |
| Тадбиркорлик фаолияти учун дастурлар асосида имтиёзли кредитлар (иссиқхона, чорва, парранда, балиқ, қуён, асалари, тикувчилик, боғдорчилик, ҳунармандчилик ва бошқалар) | Ишонч телефони | 9 Апрель 2024 | 19 Апрель 2024 | Андижон вилояти |
| Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
| Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |
