2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Янги йилни янги уйда кутмоқчи бўлаётганлар

Фарғона вилоятида уй-жойга муҳтож, имконияти чекланган, эҳтиёжманд оилаларга янги уй-жойлар тантанали равишда топширилди.

Кучли ижтимоий ҳимоя, кам таъминланган оилалар ва ногиронларни ҳар томонлама қўллаб-қувватлаш давлатимиз сиёсатининг устувор йўналишларидандир. Давлатимиз раҳбари Шавкат Мирзиёев раҳнамолигида амалга оширилаётган ислоҳотлар жараёнини янада жадаллаштириш, одамларнинг эзгу орзу-мақсадлари юзага чиқишига яқиндан кўмаклашиш, жамият ҳаётининг барча жабҳаларида туб ижобий ўзгаришларни амалга оширишга оид кенг кўламли ташаббуслар халқимиз томонидан қўллаб-қувватланмоқда. Президентимизнинг Олий Мажлисга Мурожаатномасида 2019 йил мамлакатимизда Фаол инвестициялар ва ижтимоий ривожланиш йили деб эълон қилинди. Бу эса эзгу амалларни янада кенгайишига хизмат қилади.

 

Келгуси йилда турмуш шароити оғир бўлган 1 минг 600 нафар хотин-қизларни имтиёзли кредитлар асосида арзон уй-жойлар билан таъминлаш вазифаси топширилганлиги ҳам аҳолининг ижтимоий ҳимоясига бўлган катта эътибор бўлди.

 

3.JPG

 

Янги йил байрами арафасида имконияти чекланган юртдошларимизнинг бир гуруҳига Фарғона туманидаги “Миндонобод” массивида бунёд этилган барча қулайликларга эга замонавий уйлар совға қилингани улар учун ҳақиқий туҳфа бўлди. Марғилон, Қувасой шаҳарлари, Тошлоқ, Қўштепа ва Фарғона туманида истиқомат қилувчи кам таъминланган, оғир турмуш шароитида яшаётган, ногиронлиги бўлган 105 оиланинг бугун қувончи чексиз.

 

Қувасой шаҳридаги “Юқори Муайн” маҳалла фуқаролар йиғинида яшовчи Муҳаббатхон Дадажонова ҳам шундай уй соҳибаларидан. Фарзанди Турсуной II гуруҳ ногирони бўлиб, парваришга муҳтож. Опа беш фарзанди ва неваралари билан битта уйда яшаб келаётган эди. Ҳукуматимизнинг ғамхўрлиги билан у ўз уйига эга бўлди.

 

4.JPG

 

– Байрам арафасида бу биз учун жуда катта совға бўлди, севинчимни сўз билан ифодалаб беролмайман, – дейди М. Дадажонова. – Президентимизга минг раҳмат. Уч хонали уй беришди. Айниқса, кеча давлатимиз раҳбарининг парламентга мурожаатномасини телевизор орқали кўриб, умрини ногирон фарзандни парваришлашга бағишлаган оналар учун алоҳида ижтимоий нафақа турини жорий этиши ҳақидаги таклифини эшитиб, рости йиғлаб юбордим. Бу биз каби оналарни дарди эди.

 

6.JPG

 

Марғилон шаҳар хотин-қизлар қўмитаси раиси Дилноза Эргашеванинг айтишича, шаҳарда бугунги кунда 378 нафар оғир турмуш шароитида яшаётган хотин-қизлар рўйхатга олинган. Уларни уй-жой билан таъминлаш, ишга жойлаштириш борасида муайян ишлар олиб борилмоқда. Шаҳардаги 10 нафар оилага мазкур янги уй-жойлардан берилганлиги ҳам барчани мамнун этмоқда.

 

Шу куни Учкўприк туманида ҳам янги турар жойларнинг калитлари тантанали топширилди.

 

Тадбирларда Фарғона вилояти ҳокими Ш.Ғаниев сўзга чиқди.

 

7.JPG

 

8.JPG

 

11.JPG

 

12.JPG

 

М. Сулаймонов, ЎзА

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар