Фуқаролар кўчмас мулк объектларига кадастр ҳужжатларини вақтида расмийлаштиришга жиддий эътибор қаратмаганлиги сабабли кўплаб муаммоларга дуч келади.
Ҳудудларда ўтказилаётган сайёр қабуллар чоғида мазкур йўналишдаги мурожаатларнинг аксарияти ижобий ечим топаётгани эътиборлидир. Кадастр агентлигининг Давлат кадастрлари палатаси раисининг биринчи ўринбосари Нозимжон Инамов ва ҳудудий бошқарма бошлиқлари иштирокида Фарғона вилоятининг Бешариқ туманида ташкил қилган сайёр қабулида фуқароларнинг соҳага оид мурожаатлари тингланди. Унда Бешариқ, Ўзбекистон ва Фурқат туманларидаги жисмоний ва юридик шахсларнинг кўчмас мулкни рўйхатдан ўтказиш, кадастр паспортини расмийлаштириш, мулкка эгалик ҳуқуқини олиш ҳамда ерни хусусийлаштиришга доир савол ва муаммолари эшитилиб, мутасаддилар томонидан тегишли ечимлар ва ҳуқуқий тушунчалар берилди.
Давлат хизматлари орқали соҳада хизмат кўрсатиш сифати кескин яхшиланганини қайд этилди. Бешариқ тумани “Бешариқ” маҳалла фуқаролар йиғинида яшовчи Кенжабой ота Қўзиев кадастр ҳужжатларини расмийлаштириш масаласида муаммога дуч келаётганини баён қилди. Мурожаат жойнинг ўзида ижобий ҳал этилди. Сайёр қабул давомида 22 мурожаат келиб тушган бўлса, шу ернинг ўзида аксарияти ҳал этилди. Баъзи мурожаатлар ижроси назоратга олинди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Таълим кредити | Ишонч телефони | 8 Май 2024 | 23 Май 2024 | Хоразм вилояти |
Бузилган уй-жой, олиб қўйилган ер майдони ўрнига ер майдони, уй-жой ва компенсация ажратиш | Президент почтаси | 6 Май 2024 | 18 Сентябрь 2024 | Навоий вилояти |
Тадбиркорлик фаолияти учун имтиёзли кредитлар дастурлари асосида (иссиқхона, чорва, парранда, балиқ, қуён, асалари, тикувчилик, боғдорчилик, ҳунармандчилик ва бошқалар) | Ишонч телефони | 9 Апрель 2024 | 19 Апрель 2024 | Андижон вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |