Тошкент вилояти Янгийўл туманида жорий йил куз-қиш мавсумига тайёргарлик кўриш юзасидан белгиланган вазифаларнинг 24 фоизи бажарилмаган. Бу борадаги ишлар, айниқса, 3-секторда 36 фоиз, 4-секторда 35 фоизга ортда қолаётир.
Туманда кўп қаватли уйларни таъмирлаш учун кредит ҳисобида ажратилиши белгиланган 5 миллиард 656 миллион сўм маблағнинг 19 фоизи ҳануз молиялаштирилмаган. Аҳоли бандлигига кўмаклашиш давлат дастурига мувофиқ, 607 иш ўрни яратилиб, бу борадаги режа 4,3 фоиз ортиғи билан бажарилган.
Халқ депутатлари Янгийўл тумани Кенгашининг туманни комплекс ривожлантириш, аҳолини қийнаб келаётган муаммоларни бартараф этиш бўйича вазифалар ижроси юзасидан парламент, депутатлик ва жамоатчилик назоратини таъминлаш масалаларига бағишланган навбатдаги сессиясида шу ҳақда маълум қилинди.
Ўзбекистон Республикаси Олий Мажлиси Қонунчилик палатаси депутатлари ва Сенати аъзолари, халқ депутатлари вилоят ва туман Кенгашлари депутатлари, давлат ва жамоат ташкилотлари раҳбарлари, туман сектор раҳбарлари, фаоллар иштирок этган сессияда Республика ишчи гуруҳи томонидан туманнинг ижтимоий-иқтисодий аҳволи, аҳолини қийнаб келаётган муаммолар бўйича олиб борилган ўрганиш натижалари ҳам муҳокама қилинди.
Сессияда қайд этилишича, туманнинг реал ижтимоий-иқтисодий ҳолати билан яқиндан танишиш, мавжуд муаммоларни бартараф этишга кўмаклашиш мақсадида республика ишчи гуруҳи томонидан аҳоли билан очиқ мулоқотлар ўтказилган. Таълим, тиббиёт, бандлик, қиш-куз мавсумига тайёргарликнинг реал ҳолати ўрганилган. Ўрганишлар натижасида қарийб 27 минг 800 муаммо аниқланиб, уларнинг 4 минг 700 дан ортиғи жойида бартараф этилган.
Ишчи гуруҳ томонидан шунингдек, туманда 391 бўш бино, қурилиши тугалланмаган объект ва фойдаланилмаётган ер майдонлари мавжудлиги аниқланган.
Сессия кун тартибидаги масалаларни ҳал этиш, кўтарилган муаммоларга тўлиқ барҳам бериш, ижроси юзасидан парламент, депутатлик ва жамоатчилик назоратини таъминлаш бўйича тегишли қарорлар қабул қилинди.
Шу куни халқ депутатлари Қуйи Чирчиқ тумани Кенгашининг ҳам айни шу масалаларга бағишланган навбатдаги сессияси бўлиб ўтди.
Мурожаат таснифи | Юбориш усули | Келиб тушган сана | Кўриб чиқилган сана | Ҳудуд |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Қорақалпоғистон Республикаси |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхондарё вилояти |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самарқанд вилояти |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухоро вилояти |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Тошкент вилояти |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Тошкент вилояти |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Жиззах вилояти |