Бухоро вилояти Қоровулбозор тумани ҳокими Акмал Остонов “Чўлқувар” массивида жойлашган чекка чўл ҳудудда бўлиб, бу ерда амалга оширилаётган ишлар билан яқиндан танишди.

Ҳозирги кунда ушбу чўл ҳудудда 8 км узунликдаги канал чиқариш ишлари олиб борилиб, 2 та насос станция барпо этилди. Режалаштирилган 5 минг гектар майдоннинг 2 минг гектари ўзлаштирилди. Буғдойзорлар ҳамда интенсив боғлар барпо этиш ишлари авжида. 

Барпо этилаётган мазкур боғлар томчилаб суғориш технологияси асосида суғорилиши учун мутахассислар  барча ишларни пухта ташкил қилмоқда.

Туман ҳокими узоқ йиллардан буён чўл ҳудудидаги мазкур  фойдаланишдан чиққан ерлар унумдорлигини ўрганиш, тупроқ шўрлиги ҳамда суғориш сув таркибини таҳлил қилиш бўйича малакали тупроқшунос мутахассислар билан фикр алмашиб, масъулларга  зарур кўрсатма ва топшириқлар берди.