Buxoro viloyati Qorovulbozor tumani hokimi Akmal Ostonov “Cho‘lquvar” massivida joylashgan chekka cho‘l hududda bo‘lib, bu yerda amalga oshirilayotgan ishlar bilan yaqindan tanishdi.

Hozirgi kunda ushbu cho‘l hududda 8 km uzunlikdagi kanal chiqarish ishlari olib borilib, 2 ta nasos stansiya barpo etildi. Rejalashtirilgan 5 ming gektar maydonning 2 ming gektari o‘zlashtirildi. Bug‘doyzorlar hamda intensiv bog‘lar barpo etish ishlari avjida. 

Barpo etilayotgan mazkur bog‘lar tomchilab sug‘orish texnologiyasi asosida sug‘orilishi uchun mutaxassislar  barcha ishlarni puxta tashkil qilmoqda.

Tuman hokimi uzoq yillardan buyon cho‘l hududidagi mazkur  foydalanishdan chiqqan yerlar unumdorligini o‘rganish, tuproq sho‘rligi hamda sug‘orish suv tarkibini tahlil qilish bo‘yicha malakali tuproqshunos mutaxassislar bilan fikr almashib, mas’ullarga  zarur ko‘rsatma va topshiriqlar berdi.