2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Кам таъминланган оилаларга уй берилди

Қарши шаҳрида кам таъминланган, ижтимоий ҳимояга муҳтож 72 оилага янги хонадонлар калити топширилди. Шу муносабат билан ўтказилган тадбирда Қашқадарё вилояти ҳокимлиги, кенг жамоатчилик вакиллари, янги хонадон соҳиблари ва уларнинг яқинлари иштирок этди.

Мамлакатимизда сўнгги йилларда ижтимоий ҳимояга муҳтож аҳоли қатламини ҳимоя қилиш, уларни муносиб иш ўрни ва уй-жой билан таъминлаш масалалари янги босқичга кўтарилгани таъкидланди. 

4.jpg

 

– Моддий шароитимиз яхши эмаслиги боис 10 йилдан ортиқ ижарада яшашга мажбур бўлдик, – дейди Қарши шаҳридан Мадҳия Тоҳирова. – Тақдир синови аччиқ келди, 4 ой олдин турмуш ўртоғим оламдан ўтди. Биргина фарзандим билан ёлғиз, бошпанасиз қолдим. Рўзғордан орттириб, уй қуришга имконим йўқ эди. Давлатимиз томонидан уй-жойга, ижтимоий кўмакка муҳтожларга ёрдам берилаётганини эшитиб, ҳокимиятга мурожаат қилдим. Мутасаддилар оилавий шароитимни ўрганди. Ниҳоят, мана бугун Қарши шаҳридаги Шайхали маҳалласи ҳудудида қуриб битказилган кўп қаватли уйда ўз хонадонимизга эга бўлдик. Бу ерда фарзандим билан бахтли ҳаёт кечирамиз. 

Маълумот ўрнида айтиш жоизки, Қарши шаҳри Шайхали маҳалласида жойлашган эски кўп қаватли бинодан анча вақтдан буён фойдаланилмаётган эди. Маҳаллий ҳокимлик бюджетидан 4 миллиард 600 миллион сўм маблағ ажратилиб, ушбу бинода капитал қурилиш ишлари амалга оширилди. 72 оиланинг қувончига сабаб бўлган бу уй 2 ва 1 хонали хонадонлардан иборат. Мазкур кўп қаватли уй ёнида турган бошқа эски бинодан ҳам кейинчалик самарали фойдаланиш мақсад қилинган. Унинг негизида тикувчилик цехи ташкил этилади. Ушбу цехда эса янги уйда яшовчи хотин-қизлар иш билан банд бўлади. Шунингдек, шу ҳудуддан ер ажратилиб, иссиқхона барпо этиш кўзда тутилган. Унинг ишчилари ҳам янги хонадонлар вакиллари бўлади. 

Тадбир доирасида 30 нафар ногиронлиги бор шахсга махсус аравачалар ҳам топширилди. 

 

1.jpg

 

7.jpg

Ўлмас Баротов, Жамшид Норқобилов (сурат), ЎзА

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Ишсиз деб эътироф этиш ва ишсизлик нафақасини тайинлашИшонч телефони12 Февраль 202421 Февраль 2024Қорақалпоғистон Республикаси
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Февраль 202426 Февраль 2024Сурхондарё вилояти
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Февраль 202423 Февраль 2024Самарқанд вилояти
Муҳтожларга бир марталик моддий ёрдамИшонч телефони27 Январь 202424 Февраль 2024Бухоро вилояти
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Октябрь 202323 Февраль 2024Тошкент вилояти
Янги мактаб ташкил этиш, мактабга қўшимча иншоотлар қуришИшонч телефони17 Ноябрь 202327 Февраль 2024Тошкент вилояти
Суриштирув, терговга қадар текширув ва тергов ҳаракатларидан норозиликВеб-сайт14 Февраль 202420 Февраль 2024Жиззах вилояти

Фойдали ресурслар