2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Наманган вилояти ҳокими Президент ташрифи чоғида ҳолати танқид қилинган маҳаллага кўчиб ўтди

Наманган вилояти ҳокими Ш. Абдураззақов Наманган шаҳридаги “Бунёдкор” маҳалласи аҳолиси билан учрашиб, бугундан бошлаб ушбу маҳаллада истиқомат қилишини билдирди.

Эслатиш жоиз, Давлатимиз раҳбари Шавкат Мирзиёев 19 февраль куни Наманганга ташрифи давомида ушбу маҳаллада бўлиб, ҳудуддаги аҳволни танқид остига олган эди.

– Сизларга қўшни бўламан, уйим маҳалла идорасининг рўпарасида жойлашади, - деди вилоят ҳокими Ш. Абдураззақов аҳоли билан учрашув чоғида. – Бугун шу ерга контейнер ўрнатилади ва унга “Вилоят ҳокимининг уйи”, деб ёзиб қўйилади. Ҳудуддаги ободонлаштириш ишларини ўзим назорат қилиб бораман. Маҳалланинг 3 гектар жойида кичик саноат зонаси ташкил этамиз ва камида 10 та корхона очамиз. Бунинг ортидан минг нафар одам ишли бўлади. 

Эрта тонгдан ушбу маҳаллага юзлаб ишчи ва ҳашарчилар жалб этилди. Шаҳарнинг чекка ҳудудида ерларни текислаш, электр тармоқларини тортиш, ободонлаштириш ишлари бошланди. Узоқ йиллар давомида фойдаланишда бўлган чиқиндихона ёпиладиган, маҳалла идораси эса қайтадан қуриладиган бўлди. Асосийси, маҳаллага тез орада тоза ичимлик суви келтирилади. 

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар