2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси
Хайрулло Бозоров “Мурувват” уйига борди

Юртимизда Янги йил байрами шукуҳи ҳукмрон. Айниқса, жажжи болажонларимизнинг қувончи бир олам.

Пандемия уларни зериктирган чоғи кўзларидан, чеҳрасидан шодиёнага интиқликни кўриш мумкин. Айниқса, Президентимизнинг Янги йил байрами совғаларини олаётган болалар шодлигининг чегараси йўқ.

Фарғона вилояти ҳокими вазифасини бажарувчи Хайрулло Бозоров Фарғона шаҳридаги “Мурувват” ногиронлиги бўлган болалар учун интернат уйида бўлиб, байрам билан болажонлар ҳамда жамоани табриклади.

-Болажонларимиз соғ-омон, умрлари узоқ бўлсин, - деди вилоят раҳбари. - Кунлик, соатлик савобли меҳнат қилаётган тарбиячиларга катта раҳмат. Болаларга меҳр бериб, ҳар бирини ардоқлаб, оқ ювиб, оқ тараб, чиройли тарбиялаб келаётганларингизнинг ўзи жасорат, матонатдир. Савобли ишларингизнинг ажрини берсин. Доимо соғ-саломат бўлинглар. Янги йил байрами барчаларингизга муборак бўлсин.

Самимий байрам тилаклари билдирилиб, Президентимизнинг Янги йил совғалари болажонларга топширилди.

Бугунги кунда мазкур масканда 4 ёшдан 18 ёшгача бўлган 141 нафар ногиронлиги бўлган болалар тарбияланмоқда, Уларни ҳар бирининг дунёси ўзгача. Юзидан, кўзидан, имо-ишорасидан фикрини уқиб олиш керак.

Бу ерда имконияти чеклангани учун соғлом болалар каби сўзлаш, ёзиш, ҳаракатланиш каби кўникмаларни етарли ўзлаштира олмайдиган болаларнинг тиббий, ижтимоий муҳофазаси учун барча шароитлар яратилган.

Болалар мўъжизалар кутиб яшайди. Шу куни байрам тадбирида Қорбобо ва қорқиз, севимли эртак ва мультфилм қаҳрамонлари жам бўлди. Янги йил дастурхони атрофида ижро этилган шеър, куй – қўшиқ, рақслар гулдастаси байрам тадбирига ўзгача кўтаринкилик бағишлади.

Ҳал этилган мурожаатлар

Мурожаат таснифиЮбориш усулиКелиб тушган санаКўриб чиқилган санаҲудуд
Иш ҳақи ва унга тенглаштирилган тўловларни ундиришИшонч телефони5 Июнь 202117 Июнь 2021Андижон вилояти

Фойдали ресурслар