Бухоро вилояти Ғиждувон туманида ижтимоий ҳимояга муҳтож оилалар, ногиронлиги бўлган шахслар, кексалар, асосий даромад манбаидан ажралиб қолган аҳоли турмуш шароитини яхшилашга қаратилган муайян чора-тадбирлар амалга оширилмоқда.

Туман ҳокими М. Умаров саховатпеша ҳомийлар ҳамроҳлигида ҳудуддаги ижтимоий ҳимояга муҳтож, ногиронлиги бор оилалар ҳолидан хабар олиб, уларга манзилли ёрдам кўрсатди. Хусусан, Арабон қишлоғида яшовчи 1-гуруҳ ногирони Салим Шамсиевга, Жиндакон қишлоғида яшовчи кам таъминланган оила аъзоси 1-гуруҳ ногирони Ғолиб Ашуровга, Гаждумак қишлоғида яшовчи 1-гуруҳ ногирони Сардор Наимовга, Қўшқумбак қишлоғида яшовчи Идиев Маҳмудларга махсус ногиронлик аравачалари топширилди.