Buxoro viloyati G‘ijduvon tumanida ijtimoiy himoyaga muhtoj oilalar, nogironligi bo‘lgan shaxslar, keksalar, asosiy daromad manbaidan ajralib qolgan aholi turmush sharoitini yaxshilashga qaratilgan muayyan chora-tadbirlar amalga oshirilmoqda.

Tuman hokimi M. Umarov saxovatpesha homiylar hamrohligida hududdagi ijtimoiy himoyaga muhtoj, nogironligi bor oilalar holidan xabar olib, ularga manzilli yordam ko‘rsatdi. Xususan, Arabon qishlog‘ida yashovchi 1-guruh nogironi Salim Shamsievga, Jindakon qishlog‘ida yashovchi kam ta’minlangan oila a’zosi 1-guruh nogironi G‘olib Ashurovga, Gajdumak qishlog‘ida yashovchi 1-guruh nogironi Sardor Naimovga, Qo‘shqumbak qishlog‘ida yashovchi Idiev Mahmudlarga maxsus nogironlik aravachalari topshirildi.