Барчамизга маълумки, “Обод қишлоқ” ва “Обод маҳалла” дастури доирасида Сирдарё вилоятида сезиларли ишлар амалга оширилмоқда.

Жумладан,  Дастурга киритилган маҳаллалардаги хотин-қизларни бандлигини таъминлаш мақсадида янги-янги лойиҳалар амалга тадбиқ этилмоқда.  Ана шундай лойиҳалардан бири Ховос тумани “Ховособод” маҳалласида “Ховос идеал-текстиль” МЧЖ томонидан тикувчилик корхонаси ўз фаолиятини бошлади. 

“Ховос идеал-текстиль” тикувчилик корхонаси тадбиркор Э. Мамажонова томонидан “Боёвут пахтани қайта ишлаш” корхонаси билан ҳамкорликда ишга туширилган бўлиб,  бугунги кунда ушбу цехда 50 нафар хотин-қизларнинг бандлиги таъминланган.  Шартномага асосан тикувчилик цехида ишлаб чиқарилаётган махсус этаклар учун ҳом ашёни “Боёвут пахтани қайта ишлаш” корхонаси этказиб бермоқда.  Энг асосийси,  мазкур корхонада хотин-қизларимиз учун барча қулайликлар яратилган.  Хотин-қизлар бундай шарт-шароитлардан мамнун,  корхонада иш қизғин давом этмоқда.