Barchamizga ma’lumki, “Obod qishloq” va “Obod mahalla” dasturi doirasida Sirdaryo viloyatida sezilarli ishlar amalga oshirilmoqda.

Jumladan,  Dasturga kiritilgan mahallalardagi xotin-qizlarni bandligini ta’minlash maqsadida yangi-yangi loyihalar amalga tadbiq etilmoqda.  Ana shunday loyihalardan biri Xovos tumani “Xovosobod” mahallasida “Xovos ideal-tekstil” MChJ tomonidan tikuvchilik korxonasi o‘z faoliyatini boshladi. 

“Xovos ideal-tekstil” tikuvchilik korxonasi tadbirkor E. Mamajonova tomonidan “Boyovut paxtani qayta ishlash” korxonasi bilan hamkorlikda ishga tushirilgan bo‘lib,  bugungi kunda ushbu korxonada 50 nafar xotin-qizlarning bandligi ta’minlangan.  Shartnomaga asosan tikuvchilik korxonasida ishlab chiqarilayotgan maxsus etaklar uchun hom ashyoni “Boyovut paxtani qayta ishlash” korxonasi yetkazib bermoqda.  Eng asosiysi,  mazkur korxonada xotin-qizlarimiz uchun barcha qulayliklar yaratilgan.  Xotin-qizlar bunday shart-sharoitlardan mamnun,  korxonada ish qizg‘in davom etmoqda.