Inspeksiyaning viloyat boshqarmasi boshligʻi sayyor qabul oʻtkazdi. Natija qanday?

Samarqand tumanida Vazirlar Mahkamasi huzuridagi Agrosanoat majmui ustidan nazorat qilish inspeksiyasi Samarqand viloyat boshqarmasi boshligʻi Nurmamat Tursunov tomonidan sayyor qabul tashkil etildi.

Samarqand tuman hokimligi mutasaddilari, qishloq xoʻjaligi korxonalari rahbarlari, fermer hamda jamoatchilik vakillari ishtirok etgan tadbirda jismoniy va yuridik shaxslarni qiynab kelayotgan masalalarga yechim topildi.

Sayyor qabul davomida 4 nafar fuqarolarning murojaatlari tinglandi. Shundan 2 nafar fuqaroning murojaati shu joyning oʻzida hal qilindi, 2 nafar fuqaroga huquqiy maslahatlar berildi. Qolgan murojaatlar tegishliligiga koʻra tashkilotlarga yoʻnaltirilib, ijrosi nazoratga olindi.

Inspeksiyaning Samarqand viloyat boshqarmasi tomonidan 2019-yilning shu davriga qadar jismoniy va yuridik shaxslardan 101 ta murojaat roʻyxatga olingan boʻlib, shuning 45 tasi qanoatlantirilgan, 25 tasiga tushuntirish berildi. Uchta murojaat tegishliligiga koʻra tashkilotlarga yoʻnaltirilib, ijrosi nazoratga olingan.