Bosh prokuror o‘rinbosari Svetlana Artikova tomonidan joriy yilning 11-16 noyabr kunlari Namangan, Andijon va Farg‘ona viloyatlarida aholi bilan sayyor qabullar o‘tkazildi.

Sayyor qabullar davomida jami 283 nafar fuqaroning murojaatlari qabul qilindi.

Murojaatlarning 85 tasi sud masalalari, 50 tasi prokuratura, 57 tasi ichki ishlar ish yurituviga hamda 91 tasi boshqa masalalarga oid masalalarni tashkil etdi.

Ushbu murojaatlarning ijrosi Bosh prokuratura tomonidan nazoratga olingan.

Bundan tashqari, Svetlana Artikova tomonidan nogironligi bo‘lgan shaxslar holidan xabar olinib, ular uchun zarur bo‘lgan nogironlar aravachasi topshirildi. 

Eslatib o‘tamiz, aholi bilan bevosita va ochiq muloqotni ta’minlash, mavjud muammolarni aniqlash hamda ularni joyida bartaraf etish yuzasidan tezkor choralar ko‘rish maqsadida joriy yil sentyabrь oyiida Bosh prokuratura rahbariyati tomonidan sayyor qabullar o‘tkazilgan.

Bu boradagi ishlar davom etmoqda.