Чуст туманида ташкил этилган сайёр қабулда вилоят ҳокими Х.Бозоров туман аҳолиси вакиллари билан юзма-юз мулоқот давомида ижтимоий, иқтисодий, маиший масалаларга тааллуқли 50 дан ортиқ мурожаатни кўриб чиқди.
Жумладан, фуқароларнинг уй-жой, иш билан таъминлаш, саломатлигини тиклаш учун моддий ёрдам кўрсатиш бўйича илтимосномалари, коммунал хизмат кўрсатиш тизимларидаги ва тадбиркорлик фаолиятига халақит бераётган муаммолар юзасидан арзномалари ва бошқа маҳаллий масалалар бўйича мурожаатлар бўйича тегишли ташкилот ҳамда муассасалар мутасаддилари иштирокида ҳал этиш чоралари кўрилди. Шунингдек, мурожаатларнинг бир қисми қонунчиликда белгиланган муддатларда ўрганиб, чора кўриш учун тегишли ташкилот ва идораларга юборилиб, ижроси назоратга олинди.
Жумладан, бандлик ҳамда уй-жой масаласида ҳоким қабулига келган, болалар уйида улғайган фуқаро В.Поляковга ишга йўлланма берилди, уй-жой масаласи ҳам яқин кунларда ҳал қилинадиган бўлди. Бибиона маҳалласида яшовчиларнинг мурожаати асосида маҳаллага янги электр подстанцияси ўрнатиладиган ва маҳалла кўчаларини асфальтлаш 2020 йил дастурига киритиладиган бўлди.
Шунингдек, сайёр қабулга жалб қилинган вилоят ташкилотлари раҳбарлари Чуст шаҳри Пансада маҳалласида яшовчиларнинг муаммоларини ўрганди.
Вилоят раҳбари аввалдан тушган мурожаатлар натижасида маҳалла ҳудудида ободонлаштириш ишлари олиб борилиши юзасидан берилган топшириқларнинг амалда бажарилиши билан танишиш мақсадида кўчаларга шағал ётқизилиб, йўл бўйидаги деворлар таъмирланаётган ҳудудларда бўлди.
Туман мутасаддиларига кўчаларни ёғинли кунларга қолмасдан асфальтлаш, тунги тежамкор ёриткичларни ўрнатиш бўйича кўрсатма берилди.
Шундай сайёр қабуллар Чортоқ туманининг Созсой қишлоғи, Поп туманининг Олтинкон шаҳарчаларида ҳам ўтказилди.
Тип классификации обращения | Способ направления | Дата принятия | Дата рассмотрения | Регион |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Республика Каракалпакстан |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхандарьинская область |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самаркандская область |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухарская область |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Ташкентская область |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Ташкентская область |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Джизакская область |