Boysun tumanida tashkil etilgan bo‘sh ish o‘rinlari mehnat yarmarkasida 22 ta tashkilot va korxona 221 ta bo‘sh ish o‘rni bilan ishtirok etdi.

Yarmarkada tuman kambag‘allikni qisqartirish va bandlikka ko‘maklashish bo‘limi 15 nafar kishiga ishga joylashish va besh nafarining kasb-hunar o‘rganishi uchun yo‘llanma berdi. Shuningdek, “Ayollar daftari” va “Yoshlar daftari” ro‘yxatida turgan va vaqtincha ishsiz 14 nafar xotin-qiz kasb-hunar o‘rganganligi to‘g‘risida sertifikatga ega bo‘ldi. Bir nafar xotin-qizga kompyuter jamlanmasi, 13 nafariga zamonaviy tikuv mashinkasi va tikuv jihozlari topshirilib, bandligi ta’minlandi.  

Mehnat yarmarkasida so‘nggi yillarda xotin-qizlar va yoshlar bandligini ta’minlash, tadbirkorlikni rivojlantirib, yangi ish o‘rinlari yaratish yuzasidan amalga oshirilayotgan ishlar haqida atroflicha ma’lumot berilib, bu imkoniyatlardan samarali foydalanish tavsiya etildi.