Бойсун туманида ташкил этилган бўш иш ўринлари меҳнат ярмаркасида 22 та ташкилот ва корхона 221 та бўш иш ўрни билан иштирок этди.

Ярмаркада туман камбағалликни қисқартириш ва бандликка кўмаклашиш бўлими 15 нафар кишига ишга жойлашиш ва беш нафарининг касб-ҳунар ўрганиши учун йўлланма берди. Шунингдек, “Аёллар дафтари” ва “Ёшлар дафтари” рўйхатида турган ва вақтинча ишсиз 14 нафар хотин-қиз касб-ҳунар ўрганганлиги тўғрисида сертификатга эга бўлди. Бир нафар хотин-қизга компьютер жамланмаси, 13 нафарига замонавий тикув машинкаси ва тикув жиҳозлари топширилиб, бандлиги таъминланди.  

Меҳнат ярмаркасида сўнгги йилларда хотин-қизлар ва ёшлар бандлигини таъминлаш, тадбиркорликни ривожлантириб, янги иш ўринлари яратиш юзасидан амалга оширилаётган ишлар ҳақида атрофлича маълумот берилиб, бу имкониятлардан самарали фойдаланиш тавсия этилди.