Farg‘ona viloyati Oltiariq tumanida fuqarolarning sud-huquq sohasidagi murojaatlariga samarali yechim topish uchun yanada qulay sharoit yaratish maqsadida Oliy sud raisining o‘rinbosari Shuhrat Polvonov boshchiligidagi ishchi guruh tomonidan ommaviy sayyor qabullar o‘tkazildi.

Tadbir davomida 32 nafar fuqaroning sud-huquq sohasiga oid turli mazmundagi murojaatlari o‘rganib chiqildi.

Jumladan, murojaatchilarning 19 nafariga jinoyat ishlari bo‘yicha, 10 nafariga fuqarolik masalalari yuzasidan hamda 3 nafariga iqtisodiy yo‘nalishda huquqiy tushuntirishlar berilgan bo‘lsa, IIB probatsiya guruhi hisobidagi 14 nafar mahkum murojaatlari joyida o‘rganilib, barchasi belgilangan tartibda O‘zbekiston Respublikasi JKning 73-moddasiga asosan jazoni o‘tashdan muddatidan ilgari ozod qilindi.

Shuningdek, bir guruh fuqarolarning noqonuniy qurilgan bino-inshootlarini buzdirish haqidagi murojaati yuzasidan Marg‘ilon shahriga borib, holatlar joyida o‘rganildi.