Фарғона вилояти Олтиариқ туманида фуқароларнинг суд-ҳуқуқ соҳасидаги мурожаатларига самарали ечим топиш учун янада қулай шароит яратиш мақсадида Олий суд раисининг ўринбосари Шуҳрат Полвонов бошчилигидаги ишчи гуруҳ томонидан оммавий сайёр қабуллар ўтказилди.

Тадбир давомида 32 нафар фуқаронинг суд-ҳуқуқ соҳасига оид турли мазмундаги мурожаатлари ўрганиб чиқилди.

Жумладан, мурожаатчиларнинг 19 нафарига жиноят ишлари бўйича, 10 нафарига фуқаролик масалалари юзасидан ҳамда 3 нафарига иқтисодий йўналишда ҳуқуқий тушунтиришлар берилган бўлса, ИИБ пробация гуруҳи ҳисобидаги 14 нафар маҳкум мурожаатлари жойида ўрганилиб, барчаси белгиланган тартибда Ўзбекистон Республикаси ЖКнинг 73-моддасига асосан жазони ўташдан муддатидан илгари озод қилинди.

Шунингдек, бир гуруҳ фуқароларнинг ноқонуний қурилган бино-иншоотларини буздириш ҳақидаги мурожаати юзасидан Марғилон шаҳрига бориб, ҳолатлар жойида ўрганилди.