Маънавият – энг таъсирчан ва қудратли қуролимиз. Эзгуликни шиор қилган жамият эртанинг ҳақиқий эгаларини тарбиялайди.
Ана шу мақсадни ўзида ифодалаган «Эзгулик – шиоримиз, маърифат – қуролимиз» шиори остидаги маданий-маърифий тадбир Президент маслаҳатчиси ўринбосари – Халқ қабулхонаси раҳбари Улуғбек Муҳаммадиев бошчилигидаги республика ишчи гуруҳи томонидан Хоразм вилояти «Туркманлар» МФЙда ташкил этилди.
Шу куни маҳалладаги «Улли ҳовли» мажмуасида одам гавжум бўлди. Мажмуанинг дарвозасидан киришингиз биланоқ қадим қадриятлар уйғунлашган муҳитга дуч келасиз. Ёш санъаткорлар меҳмонларни доира ва карнай-сурнай садолари билан қарши олишди.
Тадбир «Соғлом ҳаёт учун 5000 қадам» акцияси билан бошланди. Унда Миллий гвардия отлиқлари ва техникаси ҳамда кенг жамоатчилик вакиллари иштирок этди. «Армиям – фахрим» шиори остида ҳарбий оркестр ва ҳарбийларнинг кўргазмали чиқишлари намойиш этилди.
«Улли ҳовли»га ташриф буюрган меҳмонлар мажмуада сайёҳлик имконияти билан яқиндан танишдилар. Бугунгача сақлаб қолинган миллий урф-одатлар, анъаналар намуналарини кўздан кечирдилар. Ўзбек ва туркман дўстлигидан дарак берувчи ушбу маскан янада жозибали чирой очди.
Тадбир доирасида ҳунармандчилик ва миллий маҳсулотлар кўргазмалари, меҳнат ярмаркалари ташкил этилди. Унда вилоятда фаолият юритаётган олий таълим муассасалари вакиллари янги нашрлар тақдимоти, илмий ишланмалари билан қатнашди. Ёшлар нафақат билимли, балки ҳунар эгаси бўлишлари учун таълим муассасаларида етарлича шароит ва имкониятлар яратилганлиги ушбу кўргазмада намойиш этилди.
Кўргазмалар давомида «Уч авлод учрашуви», «Китобхон болалар», ёшларнинг таниқли ёзувчи ва шоирлар билан суҳбати, турли спорт мусобақалари ўтказилди.
Шу билан бирга, ишсиз бўлган хотин-қизларнинг бандлигини таъминлаш мақсадида Президент совғаси сифатида аёлларга тикув машиналари топширилди.
Тадбир таниқли мусиқий жамоалар концерти билан якунланди.
Тип классификации обращения | Способ направления | Дата принятия | Дата рассмотрения | Регион |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Февраль 2024 | 21 Февраль 2024 | Республика Каракалпакстан |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Февраль 2024 | 26 Февраль 2024 | Сурхандарьинская область |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Февраль 2024 | 23 Февраль 2024 | Самаркандская область |
Муҳтожларга бир марталик моддий ёрдам | Ишонч телефони | 27 Январь 2024 | 24 Февраль 2024 | Бухарская область |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Октябрь 2023 | 23 Февраль 2024 | Ташкентская область |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Ноябрь 2023 | 27 Февраль 2024 | Ташкентская область |
Суриштирув, терговга қадар текширув ва тергов ҳаракатларидан норозилик | Веб-сайт | 14 Февраль 2024 | 20 Февраль 2024 | Джизакская область |