2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Dastlabki kuni 132 murojaat ijobiy hal etildi

Aholi murojaatlari bilan ishlash, odamlarning muammo va takliflari asosida joylardagi masalalarni hal etish maqsadida Oʻzbekiston Respublikasi Prezidenti maslahatchisi oʻrinbosari A.Usmonov rahbarligidagi respublika ishchi guruhi tomonidan Qoraqalpogʻiston Respublikasining shahar va tumanlarida ommaviy qabullar oʻtkazilmoqda.

photo_2020-09-13_22-48-41.jpg

– Bugungi kunda aholini qiynab kelayotgan muammolardan biri bu ichimlik suvi, – deydi Nukus tumani “Kerder” ovul fuqarolar yigʻinidan T.Yerejepov. – Ushbu murojaatim tegishli soha rahbarlari tomonidan koʻrib chiqildi va Osiyo taraqqiyot bankining moliyaviy koʻmagida amalga oshirilayotgan loyiha asosida kelgusi yilda ichimlik suvi tarmogʻi tortib beriladigan boʻldi.

– Ichki ishlar idoralarida xizmat qilish bolalikdan orzuim edi, – deydi Nukus shahridan J.Muratboyev. – Ommaviy qabulda Oʻzbekiston Respublikasi Ichki ishlar vazirligi masʼul xodimlariga ushbu masalada murojaat etdim va Nukus shahar Ichki ishlar organlari faoliyatini muvofiqlashtirish boshqarmasi Huquqbuzarlik profilaktikasi boʻlimiga profilaktika inspektori yordamchisi lavozimiga ishga qabul qilinadigan boʻldim. Bundan judayam xursandman.

Ikkinchi kuni ommaviy qabul Taxiatosh, Shumanay va Xoʻjayli tumanlari aholisi uchun Taxiatosh tumanida, Boʻzatov va Kegeyli tumanlari aholisi uchun Boʻzatov tumanida boʻlib oʻtdi.

 

photo_2020-09-13_22-48-33.jpg

Taxiatosh tumani Sanitariya-epidemiologik osoyishtalik markazi xodimi Ziyoda Utegenova“shtat qisqardi” degan bahona bilan oʻtgan yilning dekabr oyidan buyon ishsiz qolgan edi. Shu kungacha turli joylarga murojaat qildi, lekin ijobiy yechim topmadi. Sayyor qabulda uning murojaati ijobiy hal etilib, avvalgi ish joyiga qayta tiklandi.

Qoraqalpogʻiston Respublikasi Ichki ishlar vazirligi Axborot xizmatining maʼlum qilishicha, Oʻzbekiston Respublikasi Ichki ishlar vazirligi masʼul xodimlari tomonidan qabulda aholi bilan suhbatlar oʻtkazilib, fuqarolarni bugungi kunda qiynab kelayotgan muammolarni hal qilish choralari koʻrildi.

Jumladan, ikki kun davomida fuqarolardan 62 ta murojaat kelib tushgan boʻlsa, shundan 15 tasi joyida ijobiy hal etildi. Qoʻshimcha oʻrganish talab etiladigan 13 ta murojaat tegishli mutasaddi idoralar vakillari tomonidan nazoratga olindi. 34 ta murojaat boʻyicha huquqiy tushuntirish berildi.

 

photo_2020-09-13_22-48-37.jpg

Murojaatlarda asosan fuqarolik olish, biometrik pasport rasmiylashtirish, soha xodimlariga minnatdorchilik, ichki ishlar, tergovga qadar tekshiruv hamda surishtiruv harakatlaridan norozilik masalalari koʻtarildi. Tadbir doirasida fuqaroligi boʻlmagan shaxs sifatida yashab kelayotgan 10 nafar fuqaroga Oʻzbekiston Respublikasi fuqarolik pasporti tantanali ravishda topshirildi.

Tadbirda Qoraqalpogʻiston Respublikasi Vazirlar Kengashining Raisi Q.Sariyev ishtirok etdi.

Orolboʻyida ommaviy qabullar davom etmoqda.

 

14.09.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati

Foydali resurslar