2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Aholiga ham huquqiy, ham moddiy ko‘mak ko‘rsatildi

Mamlakatimizda koronavirus pandemiyasi insonlarning sabrini, irodasini sinovdan o‘tkazmoqda. Xalqimiz kasallik oldida har qachongidanda jipslashdi. Bir-biriga yordam qo‘lini cho‘zayotgan fuqarolar, muhtoj fuqarolarga moddiy ko‘mak berayotgan tashkilotlar, tadbirkorlar ko‘payib borayotgani quvonarlidir.

Karantin davom etayotgan shu kunlarda Sirdaryo viloyatida faoliyat ko‘rsatayotgan tashkilot, korxona, muassasa, firma va tadbirkorlar aholining kam ta’minlangan qatlami holidan xabar olib, ularga baholi qudrat moddiy ko‘mak berishdek xayrli ishlar davom etmoqda.

– Viloyat adliya boshqarmasi va uning tuman-shahar bo‘limlari xodimlari tomonidan karantin boshlangandan buyon aholiga bepul huquqiy ko‘mak, shuningdek, aholining kam ta’minlangan va ehtiyojmand qatlamiga moddiy yordam berib kelinmoqda, – deydi viloyat adliya boshqarmasi boshlig‘i J.Nuritdinov. – Mana bugun Guliston shahridagi 2-mavzeda joylashgan nogironligi mavjud, ko‘p farzandli ehtiyojmand oilalarga oziq-ovqat to‘plamlari tarqatildi. Adliya boshqarmasi hamda Guliston shahar adliya bo‘limi mutaxassislari fuqarolar bilan suhbatlashib, ularni qiziqtirgan savollarga huquqiy maslahat va tushunchalar berdi.

– Keksalik nafaqasidaman, yolg‘iz o‘zim yashayman, – deydi Shodlik mahalla fuqarolar yig‘inida yashovchi D.Andreev. – Adliya xodimlari yo‘qlab kelganidan, to‘g‘risi juda ham xursand bo‘ldim. Ular menga nafaqat oziq-ovqat, balki meni qiziqtirgan savollarga ham huquqiy tushunchalar berdi. Huquqshunoslarning bunday ko‘magidan behad minnatdorman.

– Ozgina e’tibordan qancha ko‘ngillar shod bo‘ldi, bir-birimizga, qo‘li yupqaroq qo‘shnilaru mahalladoshlarga e’tiborli bo‘laylik. Koronavirusni bahamjihat engamiz, – deydi viloyat adliya boshqarmasi boshlig‘i o‘rinbosari S.Tog‘aev.

Shu kunning o‘zida viloyat adliya boshqarmasi tomonidan Guliston shahrida istiqomat qiluvchi 200 nafar kam ta’minlangan, ijtimoiy muhofazaga muhtoj, oilasida nogironligi bor, ko‘p bolali oilalarga oziq-ovqat mahsulotlari tarqatilib, zarurlariga huquqiy maslahat berildi.

25.06.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Уй-жой билан таъминлашXalq qabulxonasi10 Avgust 201917 Sentabr 2019Toshkent viloyati
Қимматли қоғозлар бўйича дивидендларIshonch telefoni7 Sentabr 201916 Sentabr 2019Qashqadaryo viloyati

Foydali resurslar