2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Xalq qabulxonasi – xalq xizmatida

Buxoro viloyati Jondor tumanida aholining ijtimoiy himoyaga muhtoj qatlamini qoʻllab-quvvatlash borasidagi ishlarga Oʻzbekiston Respublikasi Prezidentining Jondor tumanidagi Xalq qabulxonasi tomonidan alohida eʼtibor qaratilmoqda.

Xususan, karantin davrida tuman Xalq qabulxonasiga kelib tushgan 33 ta murojaatning 25 tasi qisqa muddatda, tezkorlik bilan koʻrib chiqilib, hal etilishi taʼminlandi. Ushbu murojaatlarning 8 tasi karantin sharoitida oziq-ovqat taʼminoti bilan bogʻliq muammolardan iborat boʻlib, murojaatlar “Karantin davrida xayriya ishlarini muvofiqlashtirish boʻyicha tuman komissiyasi”ga taqdim qilindi hamda natijasi boʻyicha murojaat tushgan oilalarga tumandagi homiylik yordami koʻrsatish markazi tomonidan birinchi ehtiyoj mollari va oziq-ovqat mahsulotlari yetkazib berildi.

 

Shuningdek, ishonch telefonlari va veb-sayt orqali karantin davrida fuqarolarni moddiy qoʻllab-quvvatlash, himoya vositalari bilan taʼminlash, moddiy yordam va ijtimoiy nafaqa bilan taʼminlash, maishiy gaz baloni bilan taʼminlash, ichimlik suvi, ish haqi va unga tenglashtirilgan toʻlovlarni toʻlash boʻyicha, kredit, uy-joy olish kabi masalalarda 24 ta murojaat kelib tushdi. Ularning 18 tasini qisqa muddatda ijobiy hal qilindi.

 

Jondor tuman Xalq qabulxonasi Mahalla va oilani qoʻllab-quvvatlash Jondor tuman boʻlimi hamda sektorlar hamkorligida hududdagi ehtiyojmand, ijtimoiy himoyaga muhtoj oilalar roʻyxati shakllantirilib, homiylar koʻmagida 400 kg guruch, 400 kg shakar, 5600 kg un, 300 litr oʻsimlik yogʻi, 198 kg goʻsht, 125 fleyka tuxum, 760 kg kartoshka, 530 kg piyoz, 320 kg makaron, 150 kg sabzi va 104 quti sut mahsulotlari tarqatildi.

 

Bundan tashqari, yoshlar bandligini taʼminlash borasida ham qator tadbirlar bajarilmoqda. Xususan, “Har bir yoshga bir gektar” loyihasi doirasida tumandagi Xoʻjagulrez qishlogʻida 12 nafar hamda Xoʻjahayron qishlogʻida 10 nafar yoshlarga yer ajratib berildi. “Yoshlar kelajagimiz” jamgʻarmasi mablagʻlari hisobidan esa joriy yilda 3 ta loyihaga 260 million soʻmlik imtiyozli kredit mablagʻi yoʻnaltirildi.

14.05.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Уй-жой билан таъминлашXalq qabulxonasi10 Avgust 201917 Sentabr 2019Toshkent viloyati
Қимматли қоғозлар бўйича дивидендларIshonch telefoni7 Sentabr 201916 Sentabr 2019Qashqadaryo viloyati

Foydali resurslar