2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Xalqimiz birdamligi, mehr-oqibati bizga madad boʻlmoqda

Oʻzbekiston Milliy axborot agentligi tomonidan tashkil etilgan “Bir quti saxovat!“ aksiyasi doirasida yigʻilgan oziq-ovqat, kiyim-kechak, pul mablagʻlari, gigiyena vositalari va boshqa zarur mahsulotlar Sardoba suv ombori bilan bogʻliq ofatdan jabr koʻrgan sirdaryoliklarga yetkazib berildi.

Xabaringiz bor, 1-may kuni Sirdaryo viloyatidagi Sardoba suv ombori toʻgʻonining bir qismi oʻpirilib, aholi xonadonlari va ekin maydonlarini suv bosgan, yuzlab yurtdoshlarimiz boshpanasiz qolgan edi.

 

Davlatimiz rahbari oʻsha kunning oʻzidayoq voqea joyiga yetib borib, toʻgʻon oʻpirilishi bilan bogʻliq hodisa oqibatlarini bartaraf etish, jumladan, aholini zudlik bilan evakuatsiya qilish, ularga birlamchi yashash sharoiti yaratish, zarur oziq-ovqat va tibbiyot vositalari bilan taʼminlash, toʻgʻonning oʻpirilgan qismini tiklash-taʼmirlash borasida zarur koʻrsatmalar berdi. Ofatdan jabr koʻrgan aholi bilan muloqot qildi.

 

Koronavirus bilan bogʻliq bugungi vaziyatda xalqimiz boshiga tushgan bu sinovli kunlar hamjihatlik, mehr-oqibat rishtalari bilan barham topmoqda. Shunday damda xalqimiz tahlikaga tushmasdan, aksincha, yana-da jipslashdi. Toshkent va Jizzax viloyatining hududga tutash tumanlari aholisi sirdaryoliklarga uyining toʻridan joy bergan boʻlsa, yurtimizning barcha hududlaridan turli tashkilotlar, tadbirkorlar, oddiy odamlarning oziq-ovqat, kiyim-kechak, gigiyena vositalari, pul mablagʻlaridan iborat saxovat karvonlari peshma-pesh yuborilmoqda.

 

Mazkur xayrli tashabbusga Oʻzbekiston Milliy axborot agentligi – OʻzA ham qoʻshilib, “Bir quti saxovat!“ aksiyasini eʼlon qilgan edi. Mazkur aksiyada yurtdoshlarimiz faol ishtirok etib, qisqa fursatda 100 million soʻmlik oziq-ovqat, kiyim-kechak, gigiyena vositalari, 21,5 million soʻm va 2 ming AQSH dollari miqdorida pul mablagʻi yigʻildi.

 

IMG_6340.JPG

 

Bu mahsulotlar viloyatning Mirzaobod va Sayxunobod tumanlaridagi ofatdan jabr koʻrgan aholiga yetkazib berildi.

 

Dastlabki manzil – Sayxunobod tumanidagi “Temurbek – Shahrizoda hamkor“ xususiy maktabgacha taʼlim muassasasi boʻldi. OʻzA jamoasi bu yerga vaqtincha joylashtirilgan sardobaliklar bilan suhbatlashdi, ularning qaygʻusiga sherik boʻlib, oziq-ovqat, kiyim-kechak va boshqa zarur mahsulotlarni ulashdi.

 

– Shunday kunlarda xalqimiz birdamligi, mehr-oqibati barchamizga katta kuch, ruhiy madad bermoqda, – dedi Sayxunobod tumani hokimi Botir Mirzaqulov. – Bugun mamlakatimizning rasmiy axborot agentligi – OʻzA, yaʼni yetakchi jurnalistlar jamoasi tashabbusi bilan yigʻilgan zarur mahsulotlar olib kelingani aholiga yana-da koʻtarinki ruh bagʻishladi. Barcha soha vakillarining bu kabi qoʻllab-quvvatlovi talafotlarni birgalikda yengib oʻtishimizda katta yordam beradi, albatta.

 

Shuningdek, tumandagi “Baxmalsoy“, “Oʻzbekiston“ va “Madaniyat“ MFYdagi 500 oila ham sardobalik qoʻshnilarini oʻz bagʻriga joylashtirgan. Saxovat karvonidagi yuklar ularga ham boʻlib berildi.

 

Shu kuni “Bir quti saxovat!“ aksiyasi doirasida yigʻilgan mahsulotlar Mirzaobod tumani Turgʻun Ahmedov nomidagi va “Mirzachoʻl“ mahalla fuqarolar yigʻinlaridagi oilalarda joylashgan aholiga ham yetkazildi.

 

Aksiyada yigʻilgan zarur mahsulotlar bilan bir qatorda kelib tushgan pul mablagʻlari har ikki tumanda joylashgan ofat jabrdiydalariga boʻlib berildi.

05.05.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati

Foydali resurslar