Ўзбекистон Республикаси Президентининг Виртуал қабулхонаси ахборот тизими фаолиятининг узлуксизлигини таъминлаш мақсадида режали техник профилактика ишлари олиб борилиши муносабати билан эртага 2021 йил 29 июн (Сешанба) куни соат 19:00 дан шу йилнинг 30 июн (Чоршанба) куни соат 02:00 га қадар Виртуал қабулхона тизимидан фойдаланиш имконияти чекланиши мумкинлигини маълум қиламиз. Вақтинчалик ноқулайликлар учун узр сўраймиз.
2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Bo‘ka tumanida 250 nafar yigit-qizning bandligi ta’minlandi

Bugungi kunda yoshlarning bandligini ta’minlash maqsadida amalga oshirilayotgan turli loyihalar, istiqbolli rejalar o‘z samarasini bermoqda.

Xususan, Toshkent viloyatining Bo‘ka tumanida “Har bir yoshga — bir gektar“ loyihasi doirasida “Bo‘ka“ mahalla fuqarolar yig‘ini hududidagi bo‘sh turgan jami 77,6 gektar er ishsiz 160 nafar yigit-qizlar va ehtiyojmand yosh oilalarning 40 tasiga ajratib berildi. Ularning ba’zi biri esa 2 nafardan yoshni ishga jalb qilishi natijasida 250 nafar yigit-qizning bandligi ta’minlandi. 

Loyiha yoshlar bandligini ta’minlashda va erdan unumli foydalanib daromad olishiga xizmat qiladi. Ayni paytda dalada ish qizg‘in bo‘lib, ko‘zlarida ertangi kunga ishonch aks etgan yigit-qizlarning faolligini ko‘rish mumkin. Berilgan imkoniyatdan samarali foydalanib, daromad olish maqsadida turli sabzavot ko‘chatlari va urug‘larini erga qadashmoqda. Zero, bugungi samarali mehnat ertangi mo‘l hosil garovidir.

Toshkent viloyati hokimligi axborot xizmati xabariga ko‘ra, shu kungacha Bo‘ka, Toshkent, Ohangaron va Parkent tumanlarida ham “Har bir yoshga – bir gektar” aktsiyasi asosida ishsiz yurgan yigit-qizlarning har biriga suvli maydonlardan 20 sotixdan bir gektargacha er ajratildi. Ularga mevali daraxt ko‘chatlarini ekishga zarur texnikalar bilan yordam berilyapti. Umuman hozirgacha joylarda 315 nafar yoshga 152,5 gektar er berildi.

Toshkent tumanida ham bu borada muayyan ishlar olib borilyapti. “Manzilli reja” loyihasi asosida “Chuvalachi” hududidagi fermer xo‘jaliklari tomonidan 5 nafar yigit-qizga sug‘oriladigan erlardan jami 2,5 gektar er berildi.

Umuman keyingi paytda Toshkent viloyatida yoshlar bandligini ta’minlashga alohida e’tibor qaratilyapti. Ayniqsa, 18-30 yoshgacha bo‘lgan yigit-qizlarning bandligini ta’minlash maqsadida qator loyihalar hayotga joriy etildi. Yoshlar asosan agroklaster, baliqchilik, asalarichilik, parrandachilik, tomorqachilik, xususan, issiqxona xo‘jaliklariga ishga joylashtirilayapti.

“Har bir yoshga – bir gektar” loyihasi, “Yoshlar kelajagimiz” va “Har bir oila –tadbirkor” davlat dasturlari, mehnat yarmarkalarining o‘rni katta bo‘lmoqda. Ish bilan band bo‘lmagan 21 ming 298 nafar yigit-qizning bandligini ta’minlash borasida ko‘rilayotgan choralar shular jumlasidandir. 

21.04.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Иш ҳақи ва унга тенглаштирилган тўловларни ундиришIshonch telefoni5 Iyun 202117 Iyun 2021Andijon viloyati

Foydali resurslar