Toshkent viloyatida homiylik xayriyalarini muvofiqlashtirish markazi ish boshladi. Markaz uchun muvofiq joy sifatida Ohangaron shahri tanlandi.

Belgilangan tartibga ko‘ra, bundan buyon nogiron, nochor, ehtiyojmand aholiga ko‘rsatiladigan xayriya yordamlari viloyat mahalla va oilani qo‘llab-quvvatlash boshqarmasining homiylik xayriyalarini muvofiqlashtirish markazi tomonidan markazlashgan tartibda amalga oshiriladi.

Ayni damda markazda ish qizg‘in. Bugun viloyatning 22 ta tuman va shaharlaridagi 40 tadan oilaga dastlabki oziq-ovqat mahsulotlari etkaziladi.

10 turdagi oziq-ovqat va dori-darmon mahsulotlari 3-5 kishilik oilaning ikki haftalik ehtiyojini ta’minlashga mo‘ljallangan, deyiladi viloyat hokimligi ma’lumotida.