Butun dunyoni, jumladan, yurtimizni ham koronavirus infektsiyasi xavfga solib turgan bir paytda Orolning qurigan maydonida o‘rmonlashtirish tadbirlari davom etmoqda.
–Hozir daraxtlarni ekishning ayni payti. Koronavirusga qarshi sanitariya-gigiena qoidalariga amal qilib, markazimizning barcha xodimlari belgilangan vazifalarni amalga oshirmoqda. Har bir kishi, avvalo, o‘zini erkin tutishi zarur. Vahimaga o‘rin yo‘q. Shunchaki, Jahon Sog‘liqni saqlash tashkiloti hamda hukumatimiz tomonidan ta’kidlanayotgan qoidalarga qat’iy rioya qilsak bas. Hozirda o‘zim ham ekin maydonidaman. Toza havo insonning immunitetini mustahkamlaydi. Jismoniy mehnat ham ming dardga davo, – deydi O‘zbekiston Respublikasi Prezidenti huzuridagi Orolbo‘yi xalqaro innovatsiya markazi direktori Nurlibek Mirzamuratov.
Eslatib o‘tamiz, “O‘zbekiston Respublikasi Prezidenti huzuridagi Orolbo‘yi xalqaro innovatsiya markazining faoliyati samaradorligini oshirishga doir qo‘shimcha chora-tadbirlar to‘g‘risida” Prezident qarori bilan “My garden in the Aral Sea” (“Oroldagi bog‘im”) agro va ekoturizm loyihasi amalga oshirilishi belgilangan edi.
Loyihaning asosiy maqsadi butun dunyo vakillari va mahalliy aholining Orol dengizining qurishi oqibatlarini engib o‘tishda bevosita ishtirok etish hissini uyg‘otish va shu orqali Orolbo‘yi aholisi turmush darajasini yanada oshirishga hissa qo‘shishdir. Shu maqsadda O‘zbekiston uchun noyob bo‘lgan aholi tomonidan ko‘kalamzorlashtirish loyihasi yaratildi va daraxtlarni ekish uchun mablag‘ yig‘iladigan kraudfanding (aholi moliyalashtiruvi) platformasi ishga tushirildi.
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Суғурта фаолияти | Президент почтаси | 19 Sentabr 2024 | 27 Sentabr 2024 | Farg`ona viloyati |
Светофор, радар ва йўл белгиларини ўрнатиш, пиёдалар ўтиш йўлини чизиш | Ишонч телефони | 31 Avgust 2024 | 10 Sentabr 2024 | Xorazm viloyati |
Янги МТТ қуриш | Ишонч телефони | 23 Avgust 2024 | 28 Avgust 2024 | Toshkent shahri |
Иш ҳақи тўлаш билан боғлиқ муаммолар | Ишонч телефони | 20 Avgust 2024 | 30 Avgust 2024 | Qoraqalpog`iston Respublikasi |
Иш ҳақи, устама ҳақ ва қўшимча тўловларни ҳисоблаш ва тўлаш | Ишонч телефони | 13 Avgust 2024 | 24 Avgust 2024 | Surxondaryo viloyati |