2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Yoshlarga 1 gektardan yer ajratildi

Qashqadaryo viloyatining Yakkabog‘ tumanida “Har bir yoshga – bir gektar” loyihasi doirasida “Navro‘z” mahalla fuqarolar yig‘iniga qarashli bo‘lgan lalmi yerlardan 65 nafar band bo‘lmagan ishsiz yoshlarga bog‘dorchilik, dehqonchilik qilishlari uchun bir gektardan yer maydoni ajratib berildi.

Yoshlarga yer ajratish jarayonida maxsus texnikalar orqali yerlar haydatilib, ekinga tayyor holda keltirildi hamda tuman hokimligi va mutasaddi tashkilotlar mutaxassislari tomonidan yoshlar bilan suhbat o‘tkazilib, dehqonchilik ishlarini olib borishdagi tegishli ko‘nikma va tavsiyalar berildi. 

– Yoshlarga qaratilayotgan bunday e’tibordan juda mamnunmiz, – deydi Yakkabog‘ shahridagi “Jambil” mahallasida istiqomat qiluvchi Sh.Meyliev. – Kelajakda ajratilgan yerdan oqilona va samarali foydalanib, oilamizdagi ish bilan band bo‘lmagan aka-ukalarimizni, tengdoshlarimizni ham foydali mehnatga jalb qilamiz. Dehqonchilik, bog‘dorchilik mahsulotlarini etishtirib, bozorlarimiz to‘kinligiga hissa qo‘shamiz. 

18.03.2020

Foydali resurslar