2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Davlat xizmatlari markazi yangi binoda

Qarshi shahri aholisiga tezkor, shaffof va qulay xizmat koʻrsatuvchi, zamonaviy, oʻziga xos interyer va dizaynga ega Davlat xizmatlari markazi foydalanishga topshirildi.

Ayni paytga qadar Qarshi shahar davlat xizmatlari markazi orqali 139 turdagi davlat xizmatlaridan 250 mingdan ortiq jismoniy va yuridik shaxs foydalangan. Markaz xodimlari tomonidan 2017-2020-yillarda 9 ming 208 ta tadbirkorlik subyekti roʻyxatdan oʻtkazilgan. 


Davlat xizmatlari markazi uchun ajratilgan umumiy yer maydoni 1 ming 800 kvadrat metr boʻlib, bu respublika miqyosidagi eng katta binolardan hisoblanadi. Binoning tashqi koʻrinishi ham, uning ichki dizayni ham oʻzgacha uslubda jihozlangan.


Bino peshtoqidagi boʻyi 6 metr, eni 12 metrlik LED-ekran uzoqdan koʻzga tashlanadi. Binoda davlat xizmatlari koʻrsatish uchun barcha zarur sharoit yaratilgan. Jumladan, 48 ta xizmat koʻrsatish oynasi, oʻz-oʻziga xizmat koʻrsatish xonalari va infokiosklar, elektron auksionda ishtirok etish uchun alohida xonalar, elektron navbat tizimi, investorlar va mahalliy tadbirkorlar bilan biznes-uchrashuvlar oʻtkazishga moʻljallangan investorlar xonasi, anjuman va seminarlar uchun konferenszal va, albatta, kutubxona hamda bolalar maydonchasi ham joy olgan.


Koʻrsatilgan barcha xizmatlar toʻlovini amalga oshirish uchun bank kassalari mavjud, naqd pul yechish uchun bankomatlar qoʻyilgan. Mobil telefonlar quvvat olishi uchun qurilmalar ham oʻrnatilgan. Binoda bepul wi-fi tarmogʻi yoqilgan boʻlib, undan markazga tashrif buyurgan fuqarolar beminnat foydalanish imkoniga ega. Yilning toʻrt faslida ham bir xil mikroiqlim tuhfa etuvchi manzara hech kimni befarq qoldirmaydi. Noyob gullar manzarasi bir-birini takrorlamaydi.


Shu yerning oʻzida notarius, adliya va FHDYO boʻlimlari, sugʻurta tashkiloti filiallari ham joylashgan. Koʻpchilik kutgan xizmat turi, yangi namunadagi haydovchilik guvohnomasini endi markazda joylashgan YHXB boʻlimining maxsus xonasidan olish mumkin.


Shuningdek, Prezident Xalq qabulxonasi va Bosh vazir qabulxonasi ham Davlat xizmatlari markazi bilan yonma-yon faoliyat koʻrsatadi.


Fuqarolar bu yerda bepul asosda yuridik maslahat beruvchi “Madad” xuquqiy maslahat byurosi xizmatidan ham foydalanishi mumkin.


Markazda Davlat xizmatlari agentligi va Birlashgan Millatlar Tashkiloti Taraqqiyot dasturi hamda Yevropa hamjamiyati hamkorligi tomonidan yurtimizda amalga oshirilayotgan “Oʻzbekistonning qishloq joylarida davlat xizmatlari taqdim etishni takomillashtirish va boshqaruv darajasini oshirish” qoʻshma loyihasi ishtirokchi va mutaxassislari uchun ham xona ajratilgan.
Binoning tantanali ochilish marosimida viloyat hokimi Z.Mirzayev ishtirok etdi.

27.02.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati

Foydali resurslar