2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Navoiylik yoshlar Mo‘ynoqdagi bunyodkorlik ishlarida qatnashdi

Navoiy kon-metallurgiya kombinatining 100 nafar yosh ishchi-xodimidan iborat ko‘ngillilar jamoasi Qoraqalpog‘iston Respublikasi Mo‘ynoq tumanida “Orol taqdiri – kelajak avlod taqdiri” shiori ostida amalga oshirilayotgan xayrli ishlarda faol qatnashmoqda.

Navoiylik yoshlar Mo‘ynoqda olib borilayotgan keng ko‘lamli bunyodkorlik-qurilish ishlari bilan tanishdi, Yoshlar markazi, tuman ekologiya muzeyi, zamonaviy sport majmuasi, “Kemalar qabristoni”ni borib ko‘rdi.

 

Kombinat yoshlari muzey, sport majmuasi, chekka hududlarda joylashgan qator umumta’lim maktablari kutubxonalari va boshlang‘ich sinf o‘quvchilariga kitoblar, sport anjomlarini sovg‘a qildi, O‘zbekiston Respublikasi Favqulodda vaziyatlar vazirligiga qarashli qurilish bataloniga esa 100 dona motoarra topshirildi.

 

– Biz, yoshlarning “Green challenge” ekochorlov aksiyasi doirasida Mo‘ynoq tumanida olib borilayotgan bunyodkorlik ishlarida qatnashish bo‘yicha tashabbusimiz kombinat rahbariyati tomonidan qo‘llab-quvvatlanganidan xursandmiz. Yigitlarimiz Mo‘ynoq shahri atrofida turli ko‘chatlar hamda Orol dengizining qurigan yerlarida saksovul ko‘chatlarini ekish ishlarida faol ishtirok etmoqda, – dedi kombinat yoshlari yetakchilari kengashi raisi Sanjar Rajabov.

 

Navoiy kon-metallurgiya kombinati yoshlarining bunday xayrli ishlari Mo‘ynoq tumanida davom etmoqda.

16.02.2020

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Уй-жой билан таъминлашXalq qabulxonasi10 Avgust 201917 Sentabr 2019Toshkent viloyati
Қимматли қоғозлар бўйича дивидендларIshonch telefoni7 Sentabr 201916 Sentabr 2019Qashqadaryo viloyati

Foydali resurslar