Bosh prokuror Nig‘matilla Yo‘ldoshev tomonidan Toshkentda o‘tkazilgan sayyor qabulda jami 38 nafar jismoniy va yuridik shaxslarning vakillari muammolari tinglandi

Prokuratura organlarida jismoniy va yuridik shaxslarning murojaatlari bilan ishlash tizimini takomillashtirish, ommaviy sayyor qabullar hamda videokonferentsaloqa orqali qabullar o‘tkazib, fuqarolar bilan ochiq muloqotni kengaytirish, ularning muammolarini hal etishga qaratilgan qator ishlar amalga oshirilmoqda.

O‘tkazilayotgan qabullarda fuqarolarning bir necha yillardan buyon o‘zining echimini topmayotgan muammo va takliflarini joyida hal etishga alohida e’tibor qaratilmoqda.

Shunga ko‘ra, joriy yilning 5-dekabrda Bosh prokuror N.Yo‘ldoshev tomonidan Toshkent shahrida sayyor qabul o‘tkazilib, jami 38 nafar jismoniy va yuridik shaxslarning vakillari qabul qilindi.
(murojaatlarning 21 tasi sud masalalari, 8 tasi prokuratura va 3 tasi ichki ishlar organlari faoliyatlariga hamda 6 tasi boshqa masalalarga oid)

Fuqarolar tomonidan qabulda topshirilgan murojaatlar nazoratga olinib, qonuniy hal etilishi ta’minlanadi.