Prokuratura organlarida jismoniy va yuridik shaxslarning murojaatlari bilan ishlash tizimini takomillashtirish, sayyor qabullar o‘tkazilib, fuqarolar bilan ochiq muloqotni kengaytirish, ularning muammolarini hal etishga qaratilgan qator ishlar amalga oshirilmoqda.

O‘tkazilayotgan qabullarda fuqarolarning bir necha yillardan buyon o‘zining echimini topmayotgan muammo va takliflarini joyida hal etishga alohida e’tibor qaratilmoqda.

Shunga ko‘ra, joriy yilning 27-noyabrda Bosh prokuror N.Yo‘ldoshev tomonidan Toshkent viloyatida sayyor qabul o‘tkazilib, jami 33 nafar jismoniy va yuridik shaxslarning vakillari qabul qilindi.

(murojaatlarning 10 tasi sud masalalari, 12 tasi prokuratura va 3 tasi ichki ishlar organlari faoliyatlariga hamda 8 tasi boshqa masalalarga oid)

Murojaatlarning 5 tasi joyida hal etilib, qanoatlantirildi.

Shuningdek, Piskent tumani, Do‘stlik mahalla fuqarolar yig‘ini aholisining turmush sharoiti o‘rganilib, fuqarolarning suyultirilgan gaz, elektr energiyasi, ichki ko‘chalar ta’mirlanishi bilan bog‘lik murojaatlari joyida hal etildi.

Xususan, Do‘stlik mahalla fuqarolar yig‘inidagi kam ta’minlangan oila vakillari holidan xabar olindi.

Shu bilan bir qatorda O‘rtachirchiq tumani, Yuqoriovul mahalla fuqarolar yigini, Yangiko‘prik ko‘chasining 1.200 metr ichki yo‘llariga shag‘al yotqizib berilishi ta’minlandi.

Bundan tashqari, qabulda olingan murojaatlarning qonuniy hal etilishi Bosh prokuratura tomonidan nazoratga olingan.