2017-2021 yillarda O'zbekiston Respublikasini rivojlantirishning beshta ustuvor yo'nalishi bo'yicha harakatlar strategiyasi
Jizzaxda adliya vaziri o‘rinbosari tadbirkorlar bilan uchrashdi

Jizzax viloyati Do‘stlik tumanida O‘zbekiston Respublikasi adliya vaziri o‘rinbosari Akbar Toshqulov Zafarobod, Mirzacho‘l, Arnasoy tumanlarida faoliyat olib borayotgan tadbirkorlar bilan uchrashdi. Unda tadbirkorlar faoliyatida o‘zlarini qiynayotgan muammolar yuzasidan murojaat qildi.

Uchrashuvda O‘zbekiston Respublikasi Prezidentining 2019-yil 14-maydagi “Tadbirkorlik faoliyatini qo‘llab-quvvatlash va himoya qilish tizimini tubdan takomillashtirish chora-tadbirlari to‘g‘risida”gi farmoniga muvofiq tashkil etilayotgan Bosh vazir qabulxonalarining tadbirkorlikni rivojlantirishdagi ahamiyati, joylarda ushbu qabulxonalarni tashkil etish bo‘yicha olib borilayotgan ishlar haqida batafsil ma’lumot berildi.

Ma’lumki, O‘zbekiston Respublikasi Bosh vazirining Tadbirkorlar murojaatlarini ko‘rib chiqish qabulxonalari o‘z faoliyatini viloyat, shahar va tumanlardagi Tadbirkorlikka ko‘maklashish markazlari, shuningdek, O‘zbekiston Respublikasi Adliya vazirligi huzuridagi Davlat xizmatlari agentligi va uning hududiy markazlari bilan yaqin hamkorlikda amalga oshiradi. Ayni kunlarda ish boshlashi kutilayotgan qabulxonalarda har bir masala 2 kunda, agar mazmun jihatdan ko‘rib chiqilishi talab etilsa 7 kun ichida hal etiladi.

Bosh vazir qabulxonasini ishga tushirishga tayyorgarlik doirasida tashkil etilgan uchrashuvda tadbirkorlarning 100 ga yaqin savol va murojaatlari qabul qilindi. Murojaatlardan 20tasida ko‘tarilgan masalani hal qilishni adliya vaziri o‘rinbosari shahsan o‘z nazoratiga oldi. 30 dan ortiq murojaat joyining o‘zida hal etish bo‘yicha tegishli tashkilot rahbarlari zimmasiga yuklatildi. Qolgan murojaatlar bo‘yicha egalariga huquqiy tushuncha va maslahatlar berildi.

– Parrandachilik fermasi barpo etish uchun 3 milliard so‘m kredit va 1 gektar er maydoni olish bo‘yicha murojaatim hozirgacha muammo bo‘lib kelayotgan edi, – deydi Do‘stlik tumanidagi “Oliy himmat sari” mas’uliyati cheklangan jamiyati rahbari Behzod Ravshanov. – Bugun mening ushbu murojaatimni hal etish tegishli tijorat banki va boshqa aloqador tashkilotlar mutasaddilariga topshirilib, ijrosini adliya vaziri o‘rinbosari shahsan nazoratiga oldi. Bosh vazir qabulxonasi tashkil etishi biz tadbirkorlarning muammolarini hal etishda yangi amaliy qadam bo‘lganligiga ishonaman.

Toshqul BEKNAZAROV, O‘zA muxbiri    

15.06.2019

Hal etilgan murojaatlar

Murojaat tasnifiYuborish usuliKelib tushgan sanaKo'rib chiqilgan sanaHudud
Ишсиз деб эътироф этиш ва ишсизлик нафақасини тайинлашИшонч телефони12 Fevral 202421 Fevral 2024Qoraqalpog`iston Respublikasi
Ҳомиладорлик ва туғиш таътилига (декретга) чиқиш, таътил даврида тўланадиган нафақаИшонч телефони19 Fevral 202426 Fevral 2024Surxondaryo viloyati
Шахсий жамғариб бориладиган пенсия ҳисобварағига (ИНПС) оид масалаларИшонч телефони20 Fevral 202423 Fevral 2024Samarqand viloyati
Муҳтожларга бир марталик моддий ёрдамИшонч телефони27 Yanvar 202424 Fevral 2024Buxoro viloyati
Йўл, унга қарашли йўлак, лоток, ариқ ва бошқаларнинг талабга мувофиқ эмаслигиИшонч телефони26 Oktabr 202323 Fevral 2024Toshkent viloyati
Янги мактаб ташкил этиш, мактабга қўшимча иншоотлар қуришИшонч телефони17 Noyabr 202327 Fevral 2024Toshkent viloyati
Суриштирув, терговга қадар текширув ва тергов ҳаракатларидан норозиликВеб-сайт14 Fevral 202420 Fevral 2024Jizzax viloyati

Foydali resurslar