Davlatimiz rahbari tomonidan ilgari surilgan ijtimoiy, ma’naviy-ma’rifiy sohalardagi ishlarni yangi tizim asosida yo‘lga qo‘yish bo‘yicha beshta muhim tashabbus Navoiy viloyatida ham keng targ‘ib qilinmoqda.

Navoiy shahridagi “Ma’rifat bog‘i”da5 mingdan ortiq yoshlarni besh maqsadda birlashtirgan loyiha viloyat hokimligi, Xalq ta’limi, O‘zbekiston yoshlar ittifoqi hamda qator tashkilotlar bilan hamkorlikda amalga oshirildi.

Tadbirda yoshlar tomonidan sahnalashtirilgan teatr tomoshalari, kuy-qo‘shiqlar ijrosi, ularning ijodiga oid hunarmandchilik, rassomchilik san’ati namunalari namoyish etildi.

Shuningdek, tadbirda sportning 20 turi bo‘yicha yoshlar o‘rtasida musobaqalar tashkil etildi.

Siroj ASLONOV (surat), O‘zA