Toshkent viloyati Nurafshon shahrida ichki ishlar vazirining birinchi oʻrinbosari, general-mayor Davron Nazarmuhamedovning navbatdagi sayyor qabuli oʻtkazildi.
Viloyat ichki ishlar boshqarmasi, mahalliy hokimliklar masʼullari, tuman va shahar ichki ishlar boʻlimlari boshliqlari, tegishli tashkilotlar rahbarlari ishtirok etgan sayyor qabulda Nurafshon shahri, Oqqoʻrgʻon va Chinoz tumanlari fuqarolarining ichki ishlar organlari bilan bogʻliq murojaatlari tinglandi.
Sayyor muloqotda mazkur hudud fuqarolarining ichki ishlar organlariga ishga joylashish, ishga qayta tiklash, ushbu yoʻnalishda taʼlim olish, surishtiruv va tergov harakatlari, pasport, fuqarolik va pensiya kabi masalalarga oid 60 dan ortiq murojaati oʻrganilib, aksariyati joyida hal etildi.
– Organ sohasida ishlash orzu-hayoli bilan ulgʻaydim, – deydi oqqoʻrgʻonlik Mavlon Isaboyev. – Oilaviy sharoit sabab oʻqiy olmadim. Lekin tizimda ishlash istagidan bir zum ham chekinmadim. Orzuyimga yetish yoʻlida harbiy xizmatni oʻtab qaytdim. Hozirda mavsumiy ishlar bilan bandman. Sayyor qabulda profilaktika inspektorining yordamchisi lavozimiga ishga joylashtirishlarini soʻrab murojaat qildim. Tanlovimni qoʻllab-quvvatlashganidan juda xursand boʻldim.
Sayyor qabulda shuningdek, fuqarolarning boshqa sohalarga oid murojaatlari ham tinglanib, ularga zarur huquqiy tushuntirish va tavsiyalar berildi. Ijrosi maʼlum vaqt talab etadigan murojaatlar boʻyicha tegishli masʼullarga topshiriq berilib, ijrosi nazoratga olindi.
A.Xudoyqulov, OʻzA
Murojaat tasnifi | Yuborish usuli | Kelib tushgan sana | Ko'rib chiqilgan sana | Hudud |
---|---|---|---|---|
Ишсиз деб эътироф этиш ва ишсизлик нафақасини тайинлаш | Ишонч телефони | 12 Fevral 2024 | 21 Fevral 2024 | Qoraqalpog`iston Respublikasi |
Ҳомиладорлик ва туғиш таътилига (декретга) чиқиш, таътил даврида тўланадиган нафақа | Ишонч телефони | 19 Fevral 2024 | 26 Fevral 2024 | Surxondaryo viloyati |
Шахсий жамғариб бориладиган пенсия ҳисобварағига (ИНПС) оид масалалар | Ишонч телефони | 20 Fevral 2024 | 23 Fevral 2024 | Samarqand viloyati |
Муҳтожларга бир марталик моддий ёрдам | Ишонч телефони | 27 Yanvar 2024 | 24 Fevral 2024 | Buxoro viloyati |
Йўл, унга қарашли йўлак, лоток, ариқ ва бошқаларнинг талабга мувофиқ эмаслиги | Ишонч телефони | 26 Oktabr 2023 | 23 Fevral 2024 | Toshkent viloyati |
Янги мактаб ташкил этиш, мактабга қўшимча иншоотлар қуриш | Ишонч телефони | 17 Noyabr 2023 | 27 Fevral 2024 | Toshkent viloyati |
Суриштирув, терговга қадар текширув ва тергов ҳаракатларидан норозилик | Веб-сайт | 14 Fevral 2024 | 20 Fevral 2024 | Jizzax viloyati |